Մարսողական համակարգի խանգարումները, ավելի ճիշտ` փորկապությունը վատ է անդրադառնում մաշկի գույնի վրա: Արդեն երկու շաբաթ անց ավելանում է կորյակների թիվը, քիթն ուժեղ փայլում է, իսկ լվացվելուց շատ չանցած՝ դեմքը պատվում է բարակ ճարպաշերտով:
Մասնագետները խորհուրդ են տալիս հետեւել սննդակարգին` շեշտը դնելով օրգանական աղեր պարունակող մթերքների վրա, եւ շատ ուտել կաթնաշոռ, մածուն, բանջարեղեն, միրգ: Պետք է խուսափել ճարպոտ, դժվարամարս, տապակած եւ մի քանի անգամ տաքացրած ճաշերից, ինչպես նաեւ քաղցրավենիքից, հատկապես շոկոլադից: Կարող են թույլ լուծողական միջոցներ օգտագործել, բույսերից պատրաստված եփուկներ: Դիմել բժշկի, եթե այս ամենից հետո արդյունքը բավարար չլինի:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
16.03.2015
