Ռուսաստանի նախագահ Վլադիմիր Պուտինի ուղիղ գծի ընթացքում 4 տարեկան մի երեխա ասաց, որ ծնված օրվանից ցանկանում է նախագահ դառնալ եւ Պուտինին հարցրեց. «դժվա՞ր է նախագահ լինելը եւ դառնալը: Քանի՞ ժամ եք օրվա մեջ քնում, ես շատ եմ սիրում քնել»:
Ի պատասխան Վլադիմիր Պուտինն ասաց. «Դատելով բնավորությունից եւ տրամադրվածությունից, եթե ցանկանաս քեզ մոտ կստացվի: Իսկ այն, որ սիրում ես քնել, շատ լավ է: Դա խոսում է այն մասին, որ դու առողջ նախագահ կլինես»:
«Россия» հեռուստաընկերության հաղորդավարուհին էլ նշեց, որ իրենց կենտրոն ուղարկում են շատ անսովոր տեսանյութեր. մեկը պարում է, մյուսը մարզվում է: Իսկ Թիմուր անունով մի տղա խնդրում է օգնել իր ընկերուհուն ընդունել «ձեռքի եւ սրտի» առաջարկությունը: Շատ տեսանյութեր էլ երեխաներից են գալիս:
Աշոտ ԻՍՐԱԵԼՅԱՆ
