Մերսումը տաքացնում եւ ուժեղացնում է արյան շրջանառությունը, ավելի լավ է առույգացնում, քան սուրճը: Երիտասարդացնում է եւ հրաշալի հարթեցնում մարմնի կնճիռները: Մերսումը կարելի է կատարել ե՛ւ չոր, ե՛ւ խոնավ մարմնին` լոգարանում: Ամբողջ մարմինը 10 րոպե խոզանակով մերսելու դեպքում մարդը ունենում է լիակատար նյարդային լիցքաթափում:
Մերսումը մշտապես պետք է սկսել ոտնաթաթից` սկզբում մերսեք մի ոտքը, ապա մյուսը, որից հետո շրջանաձեւ շարժումներով շարժվեք սրտի ուղղությամբ դաստակից դեպի անրակը, գոտկատեղից` ուսերը: Մեջքի մերսման համար պահանջվում է երկար կոթով խոզանակ: Պարանոցն ավելի փափուկ խոզանակով պետք է մերսել, իսկ ճարպակալած կոնքերը, փորը, ուսերը պետք է առավել խնամքով եւ երկար մերսել: Ամեն առավոտ մարմինը մերսելու դրական արդյունքը կզգաք 2 շաբաթ հետո:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
15.03.2015
