Եվրոպական Միության խորհրդարանը կոչ է անում Թուրքիային ճանաչել հայերի ցեղասպանությունը, ասված է խորհրդարանի բանաձևի նախագծում, որն այս պահին քննարկվում է Ստրասբուգում:
«[Հայոց ցեղասպանության] հարյուրերորդ տարելիցի շեմին [Եվրոպական խորհրդարանը] հարգանքի տուրք է մատուցում Օսմանյան կայսրությունում զոհված 1.5 միլիոն անմեղ հայերի հիշատակին, եվրոպական արդարադատության և համերաշխության ոգուն համահունչ միանում է Հայոց ցեղասպանության հարյուրերոդ տարելիցի կապակցությամբ անցկացվող ոգեկոչման արարողությանը, և կոչ է անում Եվրամիության Հանձնաժողովին ու Խորհրդին միանալ ոգեկոչմանը», – ասված է բանաձևի նախագծում:
Եվրախորհրդարանը վերահաստատում է 1987 թվականի հունիսի 18-ին իր կողմից ընդունված բանաձևը, ըստ որի 1915-1917 թվականներին Օսմանյան կայսրությունում հայերի հետ տեղի ունեցածը ճանաչվել էր ցեղասպանություն՝ ցեղասպանության մասին ՄԱԿ-ի 1948 թվականի կոնվենցիայի դրույթներին համապատասխան:
Այսօր քննարկվող փաստաթուղթը առաջարկում է նաև սահմանել Ցեղասպանությունների հիշատակման միջազգային օր:
Կարդացեք նաև
Բանաձևի նախագծում նաև կարդում ենք․ – «[Եվրախորհրդարանը] ողջունում է Թուրքիայի Հանրապետության նախագահ Ռեջեփ Թայիփ Էրդողանի և վարչապետ Ահմեդ Դավութօղլուի ցավակցությունները և օսմանյան հայերի դեմ տեղի ունեցած դաժանությունների ընդունումը՝ որպես ճիշտ ուղղությամբ արված քայլ»:
Մանրամասներին կարող եք ծանոթանալ` «Ազատություն» ռ/կ-ի կայքում
