ՀՀ վերաքննիչ քրեական դատարանի դատավոր Հենրիկ Տեր-Ադամյանը այսօրվա դռնփակ դատական նիստում մերժեց Նուբարաշենի մեկուսարանի մոտ սպանված երրորդ մասի Լյովիկի, Դրաստամատ Թադեւոսյանի եւ եւս մեկի սպանության գործով կասկածվող հեղինակությունների՝ Գաստիկի, Ծգլի եւ Տլեի՝ Վահան Հակոբյանի, Սարգիս Գրիգորյանի եւ Սարգիս Հախանունյանի խափանման միջոցի հարցով փաստաբաններ՝ Լուսինե Սահակյանի եւ Երվանդ Վարոսյանի բերած բողոքները:
Լուսինե Սահակյանն ասաց, թե դիմելու են Վճռաբեկ դատարան:
Նրանք վիճարկել են կալանքի հիմքերի հարցը:
Լուսինե Սահակյանն Aravot.am -ին ասաց, որ պահանջել էին ազատ արձակվեն, քանի որ կալանման համար անհրաժեշտ հիմքերն ու հիմնավոր կասկածն առկա չի եղել:
Կարդացեք նաև
Քննիչը, որն առարկել է դատարանում, Միքայել Համբարձումյանն է եղել:
Վերաքննիչը խափանման միջոցի հարցերով պաշտպանների բողոքները լսել է առանձին-առանձին:
«Հիմնավոր կասկածը առկա չէր, որպեսզի մարդկանց նկատմամբ կալանք կիրառվեր»,-ասաց Լ.Սահակյանը:
