Հայաստանի Հանրապետության կառավարությունը վարկ է տրամադրում Լեռնային Ղարաբաղի Հանրապետության կառավարությանը: 20 միլիոն դոլարին համարժեք դրամ վարկը տրամադրվելու է 8% տոկոսադրույքով, մինչեւ 2019 թվականի դեկտեմբերի 25-ը մարման ժամկետով: Այս մասին տեղեկանում ենք կառավարության նիստի ապրիլի 16-ի օրակարգից:
Թե ինչ նպատակով է տրվում վարկը, նշված չէ:
Կառավարության հավանությանը ներկայացվող որոշման մեջ գրված է. «Վարկի հիմնական գումարի մարումը` 2016 թվականի մարտի 25-ից սկսած եռամսյակային, իսկ հաշվարկվող տոկոսների վճարումը 2015-ի հունիսի 25-ից սկսած եռամսյակային մարումներով իրականացնելու պայմանով: Տրամադրվող վարկի վերադարձման ապահովման միջոց ընդունել Լեռնային Ղարաբաղի Հանրապետության ֆինանսների նախարարության կողմից տրամադրվող բյուջետային երաշխիքը»:
Նելլի ԲԱԲԱՅԱՆ
