«Ներուժը, փորձը, կարծիքները հօգուտ Հայաստանի օգտագործելը վատ չէ: Բայց ես կարծում եմ, որ ավագ ու միջին սերնդի կարող ուժերի մասնակցությամբ՝ ավելի երիտասարդ, նոր մտածելակերպի տեր տնտեսագետների ներգրավմամբ կարելի է խնդիրներ ձեւակերպել եւ դրանք աստիճանաբար կյանքի կոչել: Այս իմաստով այլընտրանք չունենք ու տեղի ներուժը պարտավոր ենք արդյունավետ օգտագործել»,- «Առավոտի» հետ զրույցում ասաց տնտեսագետ Թաթուլ Մանասերյանը՝ հավելելով, որ առանձնահատուկ է կարեւորում «տնտեսագիտական մտքի պահանջարկվածությունը»: Այս իմաստով նա դրական է գնահատում Հովիկ Աբրահամյանի՝ վարչապետների ակումբի ձեւավորման քայլը:
