Ինչպես հայտնի է՝ Գյումրու քաղաքապետ Սամվել Բալասանյանը ամերիկահայ հեռուստաստղ Քիմ Քարդաշյանի՝ Գյումրի կատարած այցի ժամանակ նրան նվիրել էր ոսկեզօծ մուշուրբա և Գյումրու մասին գիրք: Սա հարուցել էր փաստաբան Թամարա Յայլոյանի զայրույթը, որը իր շրջապատի մարդկանց ու հարազատների անունից դիմելով Aravot.am-ին, նեղսրտել էր. «Քաղաքապե՛տ, քո անունից, քավ լիցի, ինչ ուզում ես նվեր տուր, ուզում ես տունդ նվեր տուր…Բայց իմ անունից, ես էլ եմ Գյումրի քաղաքի բնակիչ, դու ինչի՞ ես նվեր տալիս…Ուզում ես ցույց տալ, որ ե՞ս էլ եմ ընդունում էդ մարդուն և էդ մարդու չակերտավոր ասած արժեքները: Ո՛չ, չեմ ընդունում նրա քարոզածը, արածը, գործունեությունը»:
Այսօր Aravot.am-ը Գյումրու քաղաքապետի մամլո խոսնակ Լիլիթ Մակարյանից հետաքրքրվեց, թե ո՞ւմ հաշվին է հեռուստաաստղին ոսկեզօծ մուշուրբա նվիրել Սամվել Բալասանյանը, Գյումրու բյուջեի՞, թե՞ իր անձնական միջոցների հաշվին: «Սամվել Բալասանյանը ոսկեզօծ մուշուրբան նվիրել է իր անունից և իր անձնական միջոցների հաշվին, այն ընդհանրապես կապ չունի համայնքի բյուջեի հետ: Բայց եթե անգամ քաղաքապետը այն նվիրած լիներ գյումրեցիների անունից, անիրատեսական է Գյումրի քաղաքի խորհրդանիշը համարվող այդ նվերի համար ուսումնասիրություններ անցկացնել քաղաքի բնակիչների շրջանակում: Մի հատ էլ հանրաքվե չանցկացնեինք, որ հարցնեինք ՝ կարելի՞ է Քիմ Քարդաշյանին մուշուրբա նվիրել: Հանրահայտ հայ է Քիմ Քարդաշյանը, մուշուբան էլ Գյումրու խորհրդանիշներից մեկն է, ինչո՞ւ չնվիրել»,-պարզաբանեցին քաղաքապետարանից:
Նունե ԱՐԵՎՇԱՏՅԱՆ
Ավետիսյանների հետ պատահած ողբերգությունից հետո Թամարա Յայլոյան Հայաստանում ճանաչված դեմք է և իր կարծիքը ամենակարևորն է:
Ստիպված եմ բացատրել, թե ինչ է “մուշուրբա”-ն: Ջուր խմելու մետաղյա բաժակ կրկնակի հատակով: Վերին հատակի վրա անցք կա և բաժակը թեքելիս այնտեղից դուրս են գալիս պղպջակներ և քլթքլթոց է լսվում: Մուշուրբա բառը թուրքերեն է: Բայց դա հեչ`վերջը գնա՞ց Քիմը:
Էս խեղճ քաղաքապետն էլ ինչ կենե անուն կդնեք,:))))))))) էս ինչ փիֆ-փիֆ ժողովորդ դարձանք :))))))))))))))))))))) իսկ ավելի լուրջ Թամարայի հետ համամիտ եմ:
Ծիծաղելի է որ հիմա հիշեցիք ազնիվ հարկատուի ձեր պահանջը: Բա էդ առաջներում ինչու հարց չէիք բարձրացնում թե ուր է գնում վճարած հարկերը: Գյումրու փողոցների անմխիթար վիճակը, քաղաքի բյուջերի չհիմնավորված ծախսերը, էլ չթվարկեմ, շատ են դրանք: Լավ է գոներ Քարդաշյանը եկավ, հիշեցիք: