Ի պատիվ ՀՀ իշխանության եւ նախագահի, ամեն ինչ արվեց, որ Ցեղասպանության հարյուրամյակը նշվի ու ծառայի նպատակին: Այսօր այդ մասին «Հենարան» մամուլի ակումբում հայտարարեց Հայաստանի կոմունիստական կուսակցության կենտրոնական կոմիտեի առաջին քարտուղար առաջին քարտուղար Տաճատ Սարգսյանը: Այդ միջոցառումների ակորդը նա համարում է Վատիկանում, Հռոմի պապի մատուցած պատարագը եւ Գրիգոր Նարեկացու սրբադասումը:
ՀԿԿ ԿԿ առաջին քարտուղարը գտնում է, որ դա երկարատեւ աշխատանքի արդյունք է`Ցեղասպանությունից հետո տարբեր իշխանությունների կատարած աշխատանքը: Բանախոսը հիշեց եւ պատմեց դեռ 1960-ականներից Հայաստանի կոմունիստական իշխանությունների`Զարուբյանի, Քոչինյանի նախաձեռնություններով, սկսեց նշել Ցեղասպանության զոհերի ոգեկոչման օրը, Ծիծեռնակաբերդի հուշահամալիրը կառուցվեց:
Նա ասաց, որ ՀԿԿ-ն այսօր էլ մի շարք պատկան մարմինների հետ տարբեր միջոցառումներ է իրականացնում`գիտական ժողովներ, հուշ-երեկոներ: «Ցեղասպանության ճանաչումն առաջին փուլն է, երկրորդ փուլը պետք է լինի պահանջատիրական»,-հայտարարեց Տաճատ Սարգսյանը:
Լրագրողներից մեկը նկատեց`խոսվում է, որ հայազգի մեգա աստղ Քիմ Քարդաշյանը շատ ավելին արեց Ցեղասպանության ճանաչման հարցում, քան իշխանություններն են անում ու հարցրեց`համամի՞տ է բանախոսն այդ տեսակետի հետ: «Քիմ Քարդաշյանը 1,5 միլիոն զոհերից մեկի ժառանգորդն է, ճիշտ է արել, որ եկել է Հայաստան, հարգում է Ցեղասպանության զոհերի հիշատակը: Բայց, չպետք է գերագնահատել, նման համեմատությունը տեղին չէ եւ ոչ կոռեկտ: ՀՀ իշխանությունը, հասարակական, քաղաքական կազմակերպությունները արեցին հնարավորը Ցեղասպանության հարյուրամյակի պատշաճության համար»:
Կարդացեք նաև
Նելլի ԳՐԻԳՈՐՅԱՆ
