Նրանց դուր չի եկել, որ Քարդաշյանին ընդունել է ՀՀ վարչապետը
Քիմ Քարդաշյանի Հայաստան այցը Ադրբեջանի լրատվամիջոցներում բացասական լույսի ներքո է լուսաբանվում: Ադրբեջանական haqqin az կայքի հոդվածագիրը տարակուսում է, որ ՀՀ վարչապետ Հովիկ Աբրահամյանն ընդունել է Քիմ Քարդաշյանին, որը սկանդալային առումով է հանրահայտ : Կայքում գրված է. «Հայերի մեջ իսկապես կան իրենց տաղանդով եւ աշխատասիրությամբ հաջողությամբ հասած անձինք: Օրինակ՝ շանսոնյե Շառլ Ազնավուրը, կամ հայկական ծագումով ամերիկյան երգիչ Սերժ Թանկյանը: Եվ նորմալ է, որ 2011թ. օգոստոսի 12-ին, Երեւանում իր հերթական համերգից առաջ, Սերժ Թանկյանը Հայաստանի վարչապետի կողմից հայոց ցեղասպանության ճանաչման եւ հայկական երգարվեստի առաջ մղելու գործում ներդրումի համար արժանացել է Հայաստանի վարչապետի մեդալին: Իսկ հայկական ինչի՞ առաջ մղելով է զբաղվում Քիմ Քարդաշյանը»:
Նույն կայքը այնուհետեւ գրում է, «Հայաստանի ներկայիս ղեկավարության համար ո՞վ է հանդիսանում Քիմ Քարդաշյանը: Առաջին հերթին՝ սփյուռքի հարուստ ներկայացուցիչ, որի հետ շփումից պետք է կորզել առավելագույնը: Այդ առթիվ արժե նշել, որ Հայաստանի սփյուռքի նախարար Հրանուշ Հակոբյանը սփյուռքի հայերին կոչ է արել Հայաստանի բանկերում հաշվեհամարներ բացել, չորս տարին մեկ հանգստանալ Հայաստանում, ներդրումներ կատարել»:
Նույն հոդվածում վիրավորական արտահայտություններ եւ համեմատություններ կան Քիմ Քարդաշյանի վերաբերյալ:
Կարդացեք նաև
Ոսկան ՍԱՐԳՍՅԱՆ
