Այսօր Թբիլիսիում մեկնարկում է ծանրամարտի Եվրոպայի տղամարդկանց եւ կանանց առաջնությունը:
Վրաստանի մայրաքաղաքում պայքարի մեջ են մտնելու 38 երկրների 232 ծանրորդներ (136 տղամարդ եւ 96 կին): Հայաստանի հավաքականը ներկայացված է 10 մարզիկով (7 տղամարդ եւ 3 կին): Նրանք են:
Տղամարդիկ: 56 կգ՝ Սմբատ Մարգարյան, 69 կգ՝ Վանիկ Ավետիսյան եւ Ռոստամ Կարապետյան, 77 կգ՝ Տիգրան Մարտիրոսյան եւ Անդրանիկ Կարապետյան, 85 կգ՝ Աղասի Աղասյան, 105 կգ՝ Սիմոն Մարտիրոսյան:
Կանայք: 53 կգ՝ Աննա Գովելյան, 58 կգ՝ Իզաբելլա Յայլյան, +75 կգ՝ Հռիփսիմե Խուրշուդյան:
Կարդացեք նաև
Եվրոպայի առաջնությանը մասնակցում են հայազգի եւս երկու ծանրորդներ, որոնք հանդես են գալիս այլ երկրների դրոշի ներքո. Կարեն Թովմասյան, Նիդերլանդներ՝ 85 կգ եւ Սարգիս Մարտիրոսյան, Ավստրիա՝ 105 կգ:
Այսօր երեկոյան Հայաստանից առաջինը պայքարի մեջ ներգրավվելու է Սմբատ Մարգարյանը:
Աշոտ ՀԱԿՈԲՅԱՆ
