2014 թվականի տվյալների 2014 թվականին ՀՔԱ Վանաձորի գրասենյակը ընդհանուր թվով 265 տեղեկատվության հարցումներ է ուղարկել պետական կառույցներին և ՏԻՄ-երին: Նշված հարցումների 203-ին կամ ընդհանուր հարցումների 77%-ին պետական և ՏԻՄ մարմինները պատասխանել են ժամանակին, 55-ին կամ 21%-ին՝ պատասխանել են ուշացած և 7-ին կամ 3%-ին՝ պատասխան չի տրվել: Սույն քանակական ցուցանիշներ փաստում են, որ պետական մարմինները հիմնականում ժամանակին են պատասխանում ուղարկված հարցումներին:
Միևնույն ժամանակ, յուրաքանչյուր 5 հարցումներից մեկին ուշ է պատասխանվում: Այսպիսով, ՀՔԱ Վանաձորի գրասենյակի կողմից ուղարկված հարցումներին պատասխաններից ելնելով կարելի է եզրակացնել, որ պետական կառույցների և ՏԻՄ-երի կողմից «Տեղեկատվության ազատության մասին» ՀՀ օրենքի և Մարդու իրավունքների Եվրոպական կոնվեկցիայի 10-րդ հոդվածի դրույթները մասամբ են պահպանվել:
Ըստ այդմ՝ ՀՔԱ Վանաձորի գրասենյակն առանձնացնում է ամենաբարեխիղճ և ոչ բարեխիղճ պատասխանող կառույցներին: Հարցումներին ամենաբարեխիղճը պատասխանել է ՀՀ ոստիկանությունը և նրա ստորաբաժանումները՝ 43 հարցումներից միայն 9-ն է եղել ուշացված: Անբարեխիղճ պատասխանող կառույցներից առանձնանում է ՀՀ Պաշտպանության նախարարությունը՝ 19 հարցումներից միայն 2-ին պատասխանելով ժամանակին, 15-ին պատասխանելով ուշացումով, և 2 հարցման նախարարության կողմից պատասխան չի տրվել:
Տեղեկանքն ամբողջությամբ կարող եք տեսնել այստեղ:
Կարդացեք նաև
Հելսինկյան Քաղաքացիական Ասամբլեայի Վանաձորի գրասենյակ
