Երեւանի մի խումբ քաղաքացիներ դժգոհում են մինչեւ Երեւանում մինչեւ ապրիլի 15-ը կատարվող էտից՝ պատճառաբանելով, թե խորը էտ է կատարվում: Քաղաքացիները ստորագրահավաք են կազմակերպել եւ ցանկանում են իրենց դժգոհությունները նամակի տեսքով ներկայացնել Երեւանի քաղաքապետարան:
Այս մասին Aravot.am-ը զրուցեց բնապահպան Կարինե Դանիլեյանի հետ: Նա ասաց, որ ուշադրություն է դարձել միայն Կառավարության շենքի շրջակայքի ծառերի վրա, որոնք շատ ճիշտ են էտված. Ոչ միայն բունն են թողել, այլ նաեւ՝ 3-4 ճյուղ: Սակայն, նա հավելեց, որ Երեւանի այլ վարչական շրջաններից ահազանգ է ստացել, որ ճյուղեր չեն թողնում եւ հիմքից կտրում են. «Այդ աստիճանի խորը էտը սխալ է, բայց որ էտը անհրաժեշտ է, փաստ է»:
Կարինե Դանիելյանը նշեց, որ խորը էտի արդյունքում ծառը կարող է էլ ընդհանրապես չարթնանալ. «Խորը էտի արդյունքում երկար տարիներ կարող է տեւել, որ ծառը ծառի տեսք ստանա: Իսկ եթե իրենք թողնում են մի քանի ճյուղ, հետո տեսնում ենք, որ 1 տարի կիսականաչ են, հաջորդ տարի արդեն լրիվ կանաչ ծառեր են: Այդ պատճառով՝ մենք միշտ պահանջում ենք, որ գերխորը էտը չանեն»:
Տիկին Դանիելյանը մեզ հայտնեց, որ խոսել է կանաչապատման վարչության ներկայացուցիչի հետ. «Ինձ հայտնել են, որ իրենք արել են այնպես, ինչպես մենք միշտ պայմանավորվել ենք: Օրինակ՝ Թումանյան փողոցի ծառերը անցած եւ նախանցած տարիներին էտեցին, շատ դժգոհում էին, բայց հիմա ծառերը նորմալ, կանաչ կանգնած են»:
Կարդացեք նաև
Ամի ՉԻՉԱԿՅԱՆ
