Քարդաշյանների ընտանիքը հողատարածք է նվեր ստացել Վահագնի թաղամասում: Այս մասին հավաստող փաստաթուղթը սոցցանցերի իր օգտահաշիվներում տեղադրել է Քիմ Քարդաշյանի քույրը՝ Քլոե Քարդաշյանը:
«Հովնանյանների երազանքն է, որպեսզի աշխարհով մեկ սփռված յուրաքանչյուր հայ իր տունն ունենա հայրենիքում: «Հովնանյան ինթերնեյլշնլ»-ը խթանում է այս գործընթացը, խրախուսում բացահայտել հայրենիքն ու ներդրում ունենալ նրա զարգացման գործում:
Վահագն Հովնանյանը, որը Վահագնի թաղամասի սեփականատերն է, «Առաջին լրատվական»-ի հետ զրույցում հաստատեց տեղեկությունը՝ մեծ ոգևորությամբ նշելով, որ այդ քայլով ցանկություն ունեն Քարդաշյաններին կապել Հայաստանի հետ: «Կուզենք, որ իրենք էլ կապ ունենան Հայաստանի հետ: Ամենաամուր կապը հողի կապն է: Ինչպես որ մարդ կնքվում է մեռոնով, սա էլ մի ուրիշ տեսակ մեռոն է, որն իր ձևով է օրհնում նրանց: Ուզում եմ, որ իրենք հպարտանան, որ հող ունեն Հայաստանում»,- ասաց գործարարը:
Հովնանյանն ասաց, որ Քարդաշյաններին հող նվիրելով՝ ցանկություն չունի նրանց գաղափար տալ, ուղղորդել, որ վերադառնան հայրենիք, պարզապես ցանկանում է, որ նրանք այստեղ տուն կառուցեն ու այստեղ իրենց օտար չզգան: «Նրանք աշխարհահռչակ մարդիկ են, իրենց գալով արդեն այդքան մեծ օգուտ բերեցին երկրին: Դա հրաշալի գաղափար էր, և հիմա ամբողջ աշխարհը գիտի Հայաստանը, և գիտի, որ նրանք կապ ունեն Հայաստանի հետ»,- հավելեց Հովնանյանը:
Կարդացեք նաև
Հովնանյանը նշեց, որ իրենք հողատարածք են նվիրել և ոչ թե բնակարան, որ Քարդաշյանները իրենց ճաշակով տուն կառուցեն: «Իրենց ուզած տունը կարող են կառուցել»,- եզրափակեց գործարարը։
Նյութի մանրամասները կարդացեք 1in.am-ի կայքում
