Aravot.am-ի տեղեկություններով, քրեակատարողական հիմնարկներում մեծ քանակությամբ սննդամթերք է թափվում:
Դատապարտյալները դժգոհում են մի դեպքում սննդամթերքի վատորակ լինելուց, մի դեպքում էլ դա յուրահատուկ բողոքի ակցիա է՝ չսնվել պետության հաշվին, մի դեպքում էլ , ստանում են տնից իրենց հասանելիք հանձնուքները, որոնք բավարարում են նրանց պահանջմունքները:
Ինչ անել, որպեսզի սնունդը չթափվի, արդյոք, քրեակատարողական հիմնարկում կոնկրետ քայլեր արվում են:
Այս հարցին այսօր ՔԿՀ մամուլի պատասխանատու Գոռ Ղլեչյանը պատասխանեց. «Երեք ամիս է, կառավարության որոշման նախագիծն ուղարկվել է Արդարադատության նախարարություն, ինչն այժմ շրջանառության մեջ է: Ըստ նախագծի, կկարգավորվի ոլորտը, կբացառվեն այդ թվում սննդամթերքը թափելու դեպքերը»:
Կարդացեք նաև
Ըստ մեր տեղեկությունների, առաջարկվել է, որ դատապարտյալին նախորդ օրը հարցնելու են, թե նրանք ինչ կցանկանան, որպեսզի պատրաստվի, նրանք ստորագրություն են տալու եւ կօգտվեն իրենց պատվիրած սննդամթերքից:
