Հիմնադիր խորհրդարանի անդամ Գագիկ Սարուխանյանը լրագրողների հետ զրույցում ասաց, որ քննչական կոմիտեում Հիմնադիր խորհրդարանի ձերբակալված անդամների հետ աշխատում է փաստաբանական խումբ. «Նախապես որոշված էր, որ յուրաքանչյուրի հետ առանձին մեկ փաստաբան է աշխատելու, բայց որպեսզի փաստաբանների փորձն ավելի արդյունավետ լինի պաշտպանությունը որոշում է կայացվել, որ փաստաբանները միասնական են աշխատելու՝ բոլորը պաշտպանելու են բոլորին: Այդ պատճառով գործընթացը դանդաղ է ընթանում»:
Նա մեզ հայտնեց, որ առաջին հարցաքննվողը Վարուժան Ավետիսյանն է եղել, որին արդեն Կենտրոն Նորք-Մարաշ վարչական շրջանների ընդհանուր իրավասության դատարան են տեղափոխել: Երկրորդը հարցաքննվում է Ժիրայր Սեֆիլյանը: Փաստաբանական խմբի կազմում եմ փաստաբաններ Տիգրան Եգորյանը, Արա Զաքարյանը, Գեւորգ Դավթյանը, Հայկ Գրիգորյանը:
Հարցին, թե մինչեւ ուշ երեկո Հիմնադիր խորհրդարանի անդամները սպասելո՞ւ են, Գագիկ Սարուխանյանը պատասխանեց. «Ի տարբերություն Վոլոդյա Ավետիսյանի, երբ որ այստեղ բերման էին ենթարկել 72 ժամը լրանալուց առաջ, նա մենակ էր, հետո արագացված գործողություններ են կատարվել, քիչ մնացինք: Բայց եթե գործընթացն այսպես է ընթանում գուցե հերթափոխով գնանք-գանք, բայց մինչեւ վերջ պետք է սպասենք, տեսնենք, թե ինչ է կատարվում եւ այնուհետեւ գնանք դատարան»:
Ամի ՉԻՉԱԿՅԱՆ
