«Ես իրավաբան չեմ, ոչ էլ դատական իշխանության ներկայացուցիչ, ուստի ձեռնպահ կմնամ իրավական խնդիրներին գնահատականներ տալուց»,- այսօր խորհրդարանում, լրագրողների հետ զրույցում ասաց ԱԺ փոխնախագահ Էդուարդ Շարմազանովը` պատասխանելով հարցին`այսօր հայտնի դարձավ, որ արգելանք է դրվել «Հիմնադիր խորհրդարանի» ձերբակալված անդամների վրա` հարազատների հետ տեսակցության, հեռախոսազրույցների, տպագիր մամուլից օգտվելու մասով եւ այլն. իրավական հիմք կա՞ նման քայլի համար:
Լրագրողները հետաքրքրվեցին` համամի՞տ է Էդուարդ Շարմազանովը Քննչական կոմիտեի հետ, որ ապրիլի 24-ին բարոյական չէ հանրահավաք անելը: «Եվ ապրիլի 24-ի հետ կապված, եւ Արցախ գնալու հետ կապված ես իմ կարծիքն արտահայտել եմ: Իսկ ինչ վերաբերվում է պարոն Սեֆիլյանի, Մանուկյան Պավլիկի եւ նրա գործընկերների հետ կապված, ես իրավական գնահատական չեմ տալիս եւ բոլոր քաղաքական գործիչներին կհորդորեի իրավական խնդիրներին գնահատական չտալ»:
Հարցին`իր կարծիքով «Հիմնադիր խորհրդարանի» հետ կատարվածը միայն իրավակա՞ն է, քաղաքական ոչինչ չկա՞, նա պատասխանեց. «Այո»:
Դիտարկմանը, որ բոլորը խոսում են բարոյականությունից, բարոյականությունն իրավական նո՞րմ է` ԱԺ փոխնախագահը հակադարձեց. «Մի դատիր, որ չդատվես»:
Կարդացեք նաև
Նելլի ԳՐԻԳՈՐՅԱՆ
«Իրավականը» ի՞նչ կապ ունի բարոյականի հետ: