Այսօր «Հիմնադիր խորհրդարանի» բերման ենթարկված անդամներից ազատ են արձակվել միայն երկուսը՝ Ժիրայր Սեֆիլյանի եղբայրը՝ Թորոս Սեֆիլյանն ու Կարո Եղնուկյանը:
«Հիմնադիր խորհրդարանի» անդամ, ազատամարտիկ Գագիկ Սարուխանյանը Aravot.am-ին պատմեց, որ Թորոս Սեֆիլյանին բերման էին ենթարկել Ժիրայր Սեֆիլյանի տանը խուզարկելուց հետո. «Խուզարկության պահին եղել է Ժիրայր Սեֆիլյանենց տանը: Ազատ արձակելուց հետո, ոստիկանությունում նույնիսկ նրա անձնագիրը չէին ցանկանում վերադարձնել,մինչեւ մարդու իրավունքների պաշտպանի գրասենյակի իրավաբանները չեկան, Թորոս Սեֆիլյանի եվրոպական անձնագիրը հետ չտվեցին»:
Գագիկ Սարուխանյանի խոսքով, Կարո Եղնուկյանը հրապարակային միջոցառումների անցկացման վայրերում զանգվածային անկարգությունների նախապատրաստության դեպքով հարուցված քրեական գործում որպես վկա է ներգրավված. «Որպես վկա քննում են, բայց որպես կասկածյալ են: Կարո Եղնուկյանը այդ գրասենյակի տարածքի սեփականատերն է, որը տրամադրել է Հիմնադիր խորհրդարանին»:
Գագիկ Սարուխանյանը պատմեց նաեւ, որ այսօր եւս երկու ակտիվիստ քննչական կոմիտե ներկայանալու ծանուցում է ստացել: Ըստ նրա, այդ երիտասարդները «Հիմնադիր խորհրդարանի» կենտրոնական գրասենյակի գիշերային հերթապահներն էին. «Տղաները գիշերը հերթապահության էին մնացել շենքում: Նրանցից մեկի՝ Տիգրանի վրա քննիչը բարձր ձայնով գոռացել էր, քննությունն այսօր կիսատ է մնացել, վաղը փաստաբանի հետ կգնա: Այս երկու երիտասարդներն էլ որպես վկա են ներգրավված: Քննչական կոմիտեի նպատակն է՝ անփորձ երիտասարդներից մեկ-երկու ավելորդ բառ կորզելը»:
Կարդացեք նաև
Հրապարակային միջոցառումների անցկացման վայրերում զանգվածային անկարգությունների նախապատրաստության դեպքի առթիվ ՀՀ քննչական կոմիտեի ՀԿԳ քննության գլխավոր վարչության վարույթում քննվող քրեական գործի շրջանակներում այսօր ձերբակալվել է 5 անձ։
Քննչական կոմիտեից հայտնում են, թե ձերբակալվել են Վարուժան Ավետիսյանը, Պավել Մանուկյանը, Գեւորգ Սաֆարյանը, Ժիրայր Սեֆիլյանը, Գարեգին Չուքասզյանը։
Արփինե ՍԻՄՈՆՅԱՆ
“Նրանցից մեկի՝ Տիգրանի վրա քննիչը բարձր ձայնով գոռացել էր ”
ամոթ քննիչին
Ո՛վ հայ ժողովուրդ, դուրս ե՛կ այս դարավոր թմբիրից, կազմակերպի՛ր քո որդիների հավաքական ուժը: Վերականգնի՛ր քո կորցրած դերն ու արդարությունը և հաստատիր քո անկախ պետականությունը, այն պետք է ոչ միայն քեզ՝ այլ նաև ողջ աշխարհին: Այլևս դու չես կարող գոյատևել այս ստրկական և կամակատար վիճակում: Այն արժեքները, որոնցով պարտադրված դու կենցաղավարում ես, քեզ տանելու են կործանման: Ուստի ժամն է վերադառնալու քո իրական կերպարին, քո ստեղծած մշակութային բարձրորակ չափորոշիչներին: Այդժամ այս չարքաշ գոյատևման փոխարեն, դու կհարատևես՝ իրականացնելով քո լուսավոր առաքելությունը: Բոլոր բոլորին՝ հանճարներին և մեծամիտներին, ազգափրկիչներին և ազգակործաներին, իրենց աշխարհում միակը համարողներին և պարզապես անտարբեր ապրողներին, տաքուկ անկյուններում թաքնված փսփսացողներին և վերջապես ազգից գարշողներին ու նրանից վախեցողներին՝ այլևս ժամանակն է սթափվելու: Ինչքա՞ն կարող ենք մենք սին հույսերով ապրել և կամ անընդհատ փակուղիներով ընթանալ:
Բոլոր հույսերը սպառվել են և փակուղիներն առավել ևս խցանվել: Այսպես քո բոլոր հարստությունները մսխվում են և աննպատակ վատնվում: Ի՞նչ օգուտ քեզ այդ անիմաստ նվիրատվություններից և զանազան ներդրումային ծրագրերից, երբ դրանից միայն քո պարտքերն են շատանում և քեզ կեղեքողների գանձանակը լցվում: Նայիր վերջին դարերի քո անցած ուղուն սթափ աչքերով: Ի՞նչ է մնացել քո հզոր հարստությունից ու քո հարուստ տոհմերից, սկսած Հնդկաստանի հարուստ համայնքներից՝ վերջացրած աշխարհի բոլոր ծագերից, ինչպես նաև քո ՊԱՏՄԱԿԱՆ ՀԱՅՐԵՆԻՔԻՑ: Շատ տեղերում հիշատակությունն անգամ դժվար է գտնել, նրանց սերունդներն այլևս չկան: Այդպես և կլինի քեզ հետ քանի դեռ դու չես ստեղծել քո պաշտպանության գործիքը՝ քո Պետությունը, այսինքն՝ քո ինքնության պահպանման և վերարտադրման արժեհամակարգը: Բնականաբար այն չի կարող լինել այս խառնաշփոթի և ճգնաժամի մեջ, այն դուրս է այս իզմերի և անընդհատ ճամարտակվող քաղաքական ներկա եզրույթներից: Հիշի՛ր աշխարհին տված քո հանճարեղ իմաստասերի խոսքերը, որ քաղակականությունը գործնական արվեստ է, իսկ դու մոռացել ես նրա տեսական մասը՝ գաղափարախոսությունը: Չէ՞ որ այժմյան քո քաղաքականության հիմքերը մշակում են օտարները: Այսինքն, դու առաջնորդվում ես օտարի գաղափարախոսությամբ ուստի և քեզ առաջնորդում են: Դուրս ե՛կ այս երկակի ստանդարտների վիճակից, բոլոր երկչափանի տիրույթներում դու ելք չունես, դուրս ե՛կ այդ հարթության տափակություններից: Վերադարձի՛ր քեզ հարազատ եռաչափ համակարգին՝ (նյութական, մտավոր և հոգևոր առանցքների համադրմամբ ու ներդաշնակորեն համակարգված գիտելիքներին) այնտեղ դու վստահ ու զորեղ կլինես:
Երբ դու նյութական դաշտում որպես հիմք կունենաս քո Սրբազան Հայրենիքը, մտավոր դաշտում որպես պատվար քո Նախնյանց գիտելիքները և վերջապես հոգևոր դաշտում որպես զորության աղբյուր քո Սրբազան Օրենքները, միայն այդժամ դու կարող ես կազմակերպել ու գործադրել քո հավաքական ուժը՝ ի պաշտպանություն քո լինելիության և ի նպաստ աշխարհի խաղաղ ու ներդաշնակ զարգացման:
Հետևաբար, հրամայական անհրաժեշտություն է դուրս գալ ու դադարեցնել բոլոր անիմաստ գործառույթները՝ միավորելով բոլոր ուժերը ստեղծենք մեր Պետությունը: Պետություն հայկական արժեհամակարգում նշանակում է ամեն մի քաղաքացու գիտակցված ձայնի ազատություն և նրա արդար կիրառում, նաև այդ ձայնին ամրագրված անխափանելի և հավասար իրավունք դրսևորվելու հանրային կյանքում և օրենսդրական դաշտում: Եվ գլխավորը անօտարելի իրավունք օրինականորեն իրեն պատկանող եռաշերտ հարստության և նրանցից ստացված բարիքների վրա:
Հաջորդը՝ հայոց հավաքական ուժի և նրա կիրառման, ինչպես նաև պետության կայացման եռաչափ ուղու մասի
ՀԱՅԿԱԿԱՆ ՊԵՏՈԻԹՅՈԻՆՆԵՐԻ ԿՈԻՍԱԿՑՈԻԹՅՈԻՆ «ՀՊԿ»
ORGANIZACION DE LOS ESTADOS ARMENIOS «DELEA»