Հիմնադիր խորհրդարանի կենտրոնական գրասենյակում ազգային անվտանգության ծառայության աշխատակիցները շարունակում են խուզարկությունները: Այս պահին գրասենյակի դիմաց հավաքվել են «Հիմնադիր խորհրդարանի» անդամները եւ ոստիկաններ: Կան բերման ենթարկվածներ՝ Ժիրայր Սէֆիլյանը, նրա եղբայր Թորոս Սէֆիլյանը, Պավլիկ Մանուկյանը եւ Վարուժան Ավետիսյանը: Նրանց բնակարաններում նույնպես խուզարկություններ են տեղի ունեցել:
Հիմնադիր խորհրդարանի անդամ Վարդան Հակոբյանից Aravot.am-ը հետաքրքրվեց, թե արդյոք «Հիմնադիր խորհրդարանի» անդամները ազգային անվտանգությանը սպառնալիք են, որ ԱԱԾ-ն սկսել է զբաղվել նրանցով: Ի պատասխան նա ասաց, որ ազգային անվտանգության միակ սպառնալիքը գործող ռեժիմն է, որը քաղաքական հետապնդումներ է սկսել իրենց դեմ, իրենց լռեցնելու համար, բայց իշխանություններին չի հաջողվի: Որովհետեւ, ըստ նրա, իշխանության ձեռնարկածը ժողովրդական ցասում է արթնացնելու եւ քաղաքացիական անհնազանդություն է սկսվելու: «Եթե իշխանության ուզածը դա է՝ ապրիլի 24-ի նախաշեմին, ապա իշխանությունը կունենա դա: Դա ոչ մեկից կախված չի լինելու, կլինի համաժողովրդական ցասում եւ 100-ամյակի շեմին լավ նվեր կլինի»:
Հիմնադիր խորհրդարանի անդամների տեղեկություններով՝ խուզարկություններ են սկսվել նաեւ իրենց մարզային կառույցներում եւ բերման ենթարկվածներ կան նաեւ մարզերում: Այս պահի դրությամբ նշվում է միայն Վանաձորի կառույցի ղեկավար Հովհաննես Ղազարյանի անունը:
Մանրամասները՝ շուտով:
Կարդացեք նաև
Արփինե ՍԻՄՈՆՅԱՆ
Հա, հեսա գետերը կփոխեն իրենց հունը, ժայռերը հրաբուխ կժայթքեն, երկրագունդը թարս կֆռռա, էլ ոնց կլինի, մի երկու արկածախնդրի ականջները ոլորել են՝ խախտելով նրանց էշ-էշ բաներ անելու սահմանադրական իրավունքը…