Այս նկարը Գյումրու Անի թաղամասի շենքերից մեկի պատին հայտնվեց ուղիղ երկու օր առաջ. այնտեղ պատկերված է հին Ալեքպոլը: Գյումրու քաղաքապետի մամլո խոսնակ Լիլիթ Մակարյանի տեղեկացմամբ՝ քաղաքի մի քանի շենքերի ֆասադներ վառ գույներով նկարազարդելու գաղափարը մասնավոր կազմակերպություններից մեկինն է, որը քննարկվել ու հավանության է արժանացել Գյումրու քաղաքաշինական խորհրդի կողմից:
Նկարները թեեւ գյումրեցիների համար արված նվեր չեն, այնտեղ կան նաեւ որոշակի գովազդային տարրեր, այդուհանդերձ՝ ակնահաճո են, ինչ-որ տեղ տրամադրություն փոխող:
Միայն թե անկարելի է չփաստել, որ վառվռուն պատկերների ֆոնը ավելի անտանելի է դարձնում Գյումրու ցեխաշաղախ ու «ռմբակոծված» փողոցները:
Լուսանկարը՝ ՆՈՒՆԵ ԱՐԵՎՇԱՏՅԱՆԻ
«Առավոտ»
04.04.2015
