Ֆրանսիայի քննչական եւ վերլուծական բյուրոն այսօր տեղեկացրել է, որ Ֆրանսիայի Ալպերում «Գերմանվինգս» ավիաընկերության կործանված ինքնաթիռի երկրորդ սեւ արկղը հաստատել է, որ օդանավի երկրորդ օդաչուն՝ Անդրեաս Լուբիցը, դիտմամբ է կործանել ինքնաթիռը:
Հիշեցնենք, որ ավելի վաղ լրատվամիջոցները տեղեկացրել էին, որ ինքնաթիռի առաջին սեւ արկղի զննությամբ պարզվել է, որ օդանավը միտումնավոր կործանել է 28-ամյա գերմանացի երկրորդ օդաչուն:
Sakshipost.com կայքի փոխանցմամբ՝ երկրորդ սեւ արկղի առաջին ընթերցման ժամանակ պարզ է դարձել, որ օդաչուն խցիկում օգտագործել է ավտոպիլոտը, որպեսզի ինքնաթիռը իջեցնի 30 մետր բարձրության վրա: «Հետո վայրէջքի ընթացքում մի քանի անգամ օդաչուն փոխել է ավտոպիլոտի կարգավորումները եւ բարձրացրել օդանավի արագությունը»,- ասվում է քննչական բյուրոյի հաղորդագրությունում:
Մարտի 24-ին հաղորդվել է, որ Բարսելոնայի Գերմանիա ուղեւորվող 148 ուղեւորներով «Գերմանվինգս» ավիաընկերությանը պատկանող առեւտրային ինքնաթիռ է վթարի ենթարկվել Ֆրանսիայի Ալպերում: Ուղեւորներից ոչ ոք կենդանի չի մնացել:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
