Ի՞նչ փուլում են մասնագիտական հանձնաժողովի աշխատանքները եւ հնարավո՞ր է՝ հանրաքվե ընդհանրապես տեղի չունենա, երեկ որոշակի պարզաբանումներ է ներկայացրել հանձնաժողովի անղամ, ԵՊՀ իրավագիտության ֆակուլտետի դեկան Գագիկ Ղազինյանը։
-Պարոն Ղազինյան, մասնագիտական հանձնաժողովը հիմա երկո՞ւ տարբերակի վրա է աշխատում։
– Դա քաղաքական հայտարարություն է եղել։ Հանձնաժողովում նման բովանդակային քննարկում, թե ինչպիսին կլինի, ինչ տարբերակներ կքննարկվեն, այս պահին չի եղել։ Հանձնաժողովն ընդամենը աշխատում է առանձին բաժինների շարադրանքի վրա։ Մեկ քննարկում Է եղել ընդամենը, որը, կարելի է ասել, չի ավարտվել, որովհետեւ սպասում ենք գրավոր առաջարկների։ Այնպես որ՝ աշխատանքային պրոցես է, այս պահին այդ հարցը չի քննարկվել եւ բնականաբար՝ նաեւ չի էլ լուծվել։
– Այդուամենայնիվ, չի՞ բացառվում, որ երկու տարբերակ դրվի քննարկման։
Կարդացեք նաև
– Ովքեր նման բան են հայտարարել, թող իրենք էլ պատասխանեն, թե ինչով են հիմնավորում դա։ Հնարավոր է, որ քննարկվի եւ որոշվի որեւէ մեկ տարբերակ, հնարավոր է՝ ձեր ասածը։ Եթե բովանդակային որեւէ քննարկում չի եղել, ես ինչպե՞ս կարող եմ ինչ-որ բան բացառել կամ հաստատել։
– Իսկ այս պահին ո՞ր հատվածի վրա է հանձնաժողովն աշխատում։
– Այս պահին ընդամենը քննարկման են ներկայացվել «Սահմանադրական հիմունքներ», «Մարդու իրավունքներ» առաջին բաժինը, եւ կարծիքներ են ստացվում։
– Այսինքն՝ ամենակարեւորին՝ կառավարման մոդելին դեռ չեք հասել։
– Ըստ Սահմանադրության կառուցվածի եւ հայեցակարգի հերթականության ենք ընթանում։
Լուսինե ԲԱՐՍԵՂՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
