Մինչ վարչապետ Հովիկ Աբրահամյանը կառավարության նիստն է վարում, դրսում «Նաիրիտ» գործարանի նախկին աշխատակիցները բողոքի ակցիա են անում՝ վարչապետից պահանջելով իրենց ընդունել ու հստակ ժամանակացույց նշել աշխատավարձերի պարտքերի մարման: Նաիրիտցիներն այլեւս չեն ցանկանում ընդունելության գնալ Էներգետիկայի եւ բնական պաշարների նախարար Երվանդ Զախարյանի մոտ, քանի որ գտնում են, թե «անիմաստ ժամանակի վատնում է»:
Ինչպես Aravot.am-ի հետ զրույցում նշեցին «Նաիրիտի» աշխատակիցները, Երվանդ Զախարյանը միայն ասում է սպասեք.«Անորոշ է, թե որքան պիտի սպասենք, մեկ ամիս, վեց ամիս: Մենք կհանդիպենք միայն ՀՀ նախագահին կամ վարչապետին, որպեսզի պահանջենք մեզ օր ասեն ու գնանք մեր տանը սպասենք: Ասում են՝ գույքը կվաճառենք ձեր պարտքերը կտանք, բայց անգամ ընթացքի մասին չեն բարեհաճում մի տեղեկություն հայտնել»:
«Նաիրիտի» նախկին աշխատակիցները որոշել են ակցիաները չդադարեցնել, մինչեւ իրենց հարցին որոշակի լուծում չլինի:
Բողոքի ցույցի մասնակիցները վանկարկում էին «պարտի մարում, պարտքի մարում», «վար-չա-պետ-վար-չա-պետ»:
Այս պահին նաիրիտցիներին լսելու կառավարությունից որեւէ մեկը դուրս չի եկել:
Կարդացեք նաև
Լուսինե ԲՈՒԴԱՂՅԱՆ
