«Նոր ժամանակներ» կուսակցության առաջնորդ Արամ Կարապետյանի առջեւ դեռ շարունակում է պահպանվել «հեռուստատեսային» տաբուն։ Նրան 3 տարուց ավելի է՝ հեռուստաընկերությունները հյուր չեն կանչում, ասուլիսները չեն լուսաբանում։ Նա ասաց, որ միայն «Կենտրոնն» է երբեմն կանչում քննարկումներին, այն էլ՝ ԵՏՄ-ի հարցով, քանզի չեն կարող այս թեմայի շուրջ իրեն չհրավիրել։
Նա նաեւ նշեց, որ, իր իմանալով, Հայաստանում մի քանի հոգի կան, որոնց առջեւ այդ տաբուն գործում է՝ ինքն է, Նիկոլ Փաշինյանը, Արամ Սարգսյանը։
Փաշինյանին, սակայն, երբեմն ԳԱԼԱ-ից են հյուր կանչում։ Ըստ Կարապետյանի՝ լրատվական դաշտը ենթարկվում է հստակ կուրացիայի, եւ այդ կուրացիան, իր իմանալով, իրականացվում է նախագահականից. «Որքանով ես գիտեմ՝ այդ հարցով զբաղվում են երկու հոգի՝ նախագահի մամլո քարտուղարն ու օգնականներից մեկը»։ Ըստ նրա, հենց նրանք են որոշում՝ ում որտեղ հյուր կանչեն եւ ում արգելեն որեւէ հեռուստաալիքով լուսաբանել։
Նա նաեւ նշեց, որ, բացի «Կենտրոնից», իրեն երբեմն էլ «Արմնյուզով» հեռարձակվող «Ա1+»–ի եթերում են լուսաբանում՝ կարճ պատառիկներով:
Կարդացեք նաև
Հոդվածն ամբողջությամբ կարող եք կարդալ«Հրապարակ» թերթի այսօրվա համարում
