Ձեռքերը, բացի խնամելուց, անհրաժեշտ է նաեւ մարզել: Պարբերաբար մարզական վարժությունները լավացնում են արյան շրջանառությունը, որն ապահովում է ձեռքերի մատների արյան բավականաչափ քանակություն: Բացի դրանից, մարմնամարզության շնորհիվ պահպանվում է ձեռքերի ճկունությունը եւ այն կարող է նպաստել դրանց ձեւի լավացմանը: Ձ
եռքերի մարզական վարժություններն ունեն այն առավելությունը, որ կարող են կատարվել ամենուրեք` տրանսպորտում, ճաշի ընդմիջմանը, հեռուստացույց նայելիս: Վարժությունները կատարեք ամեն օր, երբ հիշում եք այդ մասին, որը սկսելուց առաջ եւ վերջում ձեռքերը բարձրացրեք գլխից վերեւ եւ դաստակով կատարեք արագ շրջանաձեւ շարժումներ: Ապա ձեռքերն ազատ ցած թողեք եւ թափահարեք: Մասնագետները խորհուրդ են տալիս հետեւյալ վարժությունները` ձեռքերը պինդ բռունցք արեք եւ բաց թողեք` կրկնելով 10-15 անգամ:
Մատներն իրար սեղմեք այնպես, որպեսզի ափերը միմյանցից հեռու լինեն եւ մատներով զսպանակներով առաջ հրեք եւ թուլացրեք, առանց մատներն անջատելու, կամ օդում երկու ձեռքով թմբկահարեք՝ սկսելով ճկույթներից եւ վերջացնելով բութ մատներով: Կարող եք նաեւ ձեռքերը դաստակներում ուժեղ ճկել ցած եւ առավելագույնս ուղղեք վեր, կամ դաստակներով կատարեք շրջանաձեւ շարժումներ աջ, ապա ձախ: Յուրաքանչյուր վարժություն կատարեք 10-15 անգամ:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
01.03.2015
