Այսօր լրագրողների հետ զրույցում Ֆրանկոֆոնիայի խորհրդարանական վեհաժողովի եվրոպական տարածաշրջանի առաքելության ղեկավար Ժան-Պոլ Վահլը հայտարարեց. «Եվրոպական խորհրդարանը Հայաստանի ցեղասպանության վերաբերյալ դրական դիրքորոշում է ընդունել, որ ճանաչումը լինի: Երբեք մի մոռացեք, որ Թուրքիայի մուտքը ԵՄ պայմանավորված է հայոց ցեղասպանության ընդունմամբ»:
Հարցին,այսինքն, եթե Թուրքիան չընդունի Հայոց ցեղասպանությունը, Եվրոպան իր դռները չի՞ բացի նրա առաջ՝ Ժան-Պոլ Վահլը պատասխանեց. «Իհարկե, Թուրքիայի համար դա հրամայական է՝ ընդունել Ցեղասպանությունը: Բացի այն, որ դա հայ ժողովրդի ցավն է, բայց ցեղասպանության ճանաչումը համամարդկային հարց է ավելի շատ, քան հայ ժողովրդի պատմությունը: Դրա համար Թուրքիայի առջեւ դուռ կփակեն, մինչեւ Ցեղասպանությունը չընդունվի: Ես հավատում եմ ԵՄ-ին, ժողովուրդների միասնական կամքի դրսեւորմանը: Դուք գիտեք, որ ԵՄ մտնելու համար կան որոշակի նախապայմաններ, այն է՝ ժողովրդավարության սկզբունքների հարգումը, իսկ եթե Ցեղասպանությունը չի ընդունվում այն կազմակերպած ժողովրդի կողմից, դա բնականաբար ոտնահարում է ժողովրդավարության բոլոր սկզբունքները, ուրեմն՝ առնվազն այդ պատճառով այդ երկիրն ընդունման ենթակա չի»:
Լրագրողների հարցին՝ Հայաստանը չստորագրեց ԵՄ Ասոցացման համաձայնագիրը, եւ հիմա նոր քննարկումներ են ընթանում Արեւելյան գործընկերության շրջանակներում, ի՞նչ է պատրաստ տալ Եվրոպան Հայաստանին`Ժան-Պոլ Վահլը պատասխանեց. «Ես անհատապես զղջում եմ, որ Հայաստանը չստորագրեց այն ժամանակ, երբ ստորագրեց Մոլդովան,Վրաստանը, Ուկրաինան: Ես հասկանում եմ, որ այսօր Հայաստանը չի կարող ինքնուրույն ընդունել իր որոշումները, մենք բոլորս դա շատ լավ հասկանում ենք: Հայաստանի համար գուցե դա միակ ելքն էր, որ այդ նույն իրադարձությունները տեղի չունենային նաեւ Հայաստանում: Հայաստանի ապագան ԵՄ-ի մեջ է: Եվ մեր ԽՎ-ի փոքր դերակատարումը կայանում է նրանում, որ մենք կարողանանք ընդհանուր ձեւ գտնել եւ այնպիսի առաջարկներ անել Հայաստանի համար, որոնք ընդունելի կլինեն»:
Կարդացեք նաև
Հռիփսիմե ՋԵԲԵՋՅԱՆ
Ժան Պոլ Վահլ,ձեր երկիրը կարողանում է? ինքնուույն որոշում կայացնել,որին ԱՄՆ-ն համաձայն չէ: