Քաղաքագետ Սերգեյ Մինասյանի գնահատմամբ, Հայաստանի ներքաղաքական դաշտում դեռ փետրվարին ԲՀԿ-ի հետ կապված իրադարձությունների արդյունքներն են շարունակվում:
«Առաջիկա ամիսներին կունենանք հանդարտ ներքաղաքական իրավիճակ, բոլոր զարգացումները կունենան միայն տեխնիկական նշանակություն, մինչեւ աշուն ներքաղաքական կյանքը փորձելու են հարմարեցնել ներքաղաքական այն նոր իրականությանը, որ ստեղծվել է»,- այսօր «Բլից ինֆո» ակումբում ասաց քաղաքագետը:
Ըստ նրա, ընդդիմադիր դաշտում անխուսափելիորեն կլինեն զարգացումներ՝ սոցիալ-տնտեսական խնդիրներով, աշխարհաքաղաքական զարգացումներով պայմանավորված.« Հայաստանի հասարակությունում կա նյարդայնություն, չափազանց լուրջ մտահոգիչ սոցիալ-տնտեսական զարգացումներ՝ պայմանավորված ՌԴ-Արեւմուտք հարաբերություններով»:
Անդրադառնալով սահմանային լարվածությանը՝ ասաց, թե նոր բան չի կարող ասել. «Ադրբեջանը 2011-ից սկսած շարունակում է նույն քաղաքականությունը՝ շփման գծում ստեղծված վիճակը որպես լծակ է օգտագործում ազդելու հայկական եւ միջազգային հանրության վրա: Բայց
Կարդացեք նաև
դա իմաստ չունի, որովհետեւ պատերազմի սպառնալիքները կարող են միայն բերել պատերազմի վերսկսման, բայց ոչ զիջումների հայկական կողմից: Այս էսկալացիան չեմ կարող ասել, որ նշանակում է, թե վաղը կարող է պատերազմ սկսի: Այս էսկալացիան քաղաքական ռազմական իրադարձություն է»:
Քաղաքագետի խոսքով, աշնանը Հայաստանի ներքաղաքական դաշտում ակտիվություն կնկատվի, հարցին թե ինչո՞ւ աշնանը, պատասխանեց, որ մինչեւ հիմա թեժ ամիսների մասին խոստումները ռացիոնալ չեն եղել, իսկ «Այս աշունը տարբերվելու է նրանով, որ ֆորմալ ընդդիմադիր դաշտը շոկային իրավիճակում է, այն կբերի նրան, որ ոչ ֆորմալ ընդդիմադիր ուժերը կակտիվանան, իսկ գլխավոր պատճառը սոցիալ տնտեսական իրավիճակն է, ընդդիմադիր դաշտը այս կամ այն ձեւով փորձելու է վերածնվել»:
Բայց Սահմանադրական բարեփոխումները ընդդիմությանը համախմբելու գործոն չեն դառնա:
Արփինե ՍԻՄՈՆՅԱՆ
