Մարտի 28-ին Գյումրիում Հիմնադիր խորհրդարանի եւ քաղաքացիների հանդիպումն ավարտվեց շարժման անդամ Հրաչիկ Միրզոյանի դանակահարությամբ։ Նրան վիրահատել են, փայծաղը հեռացրել։ Դանակահարության մեջ կասկածվող անձը դեռ չի հայտնաբերվել։ Այս միջադեպը տեղի է ունեցել ոստիկաններով լեցուն տարածքում։ Թե ինչու է Գյումրվա խուժանն այսքան համարձակ ու անկաշկանդ գործել, ու քաղաքական միջոցառման ժամանակ բանը հասել է դանակահարության, եւ ինչու ոստիկանությանը չի հաջողվել կանխարգելիչ միջոցառումներ ձեռնարկել, փորձեցինք պարզել Շիրակի մարզի ոստիկանապետ Վարդան Նադարյանից:
– Կարծիքներ են հնչում, որ քրեական տարրերի հարձակումը եղել է ոստիկանության թողտվությամբ։
– Բացառվում է, խաղաղ հանրահավաք էր, նորմալ վիճակ էր, ոստիկանությունն իր ծառայությունը Հիմնադիր խորհրդարանի անդամների, մարդկանց հետ բարիդրացիական շփումներով էր իրականացնում։ Անկանխատեսելի դեպք տեղի ունեցավ, էդ երիտասարդները, խաժամուժը եկան ու նման վարք դրսեւորեցին։ Ինչի՞ եք բացառում, որ Գյումրիում էլ կան այնպիսի մարդիկ, ովքեր չեն ընդունում Հիմնադիր խորհրդարանի ռադիկալ մոտեցումները եւ իրենց կարծիքն ու մոտեցումն են Էդ ձեւով դրսեւորել։
– Ոստիկանությունն էլ նրա համար է, որ թույլ չտա նման վարքագծի դրսեւորումը, այդպես չէ՞։
Կարդացեք նաև
– Ոստիկանությունն որտեղի՞ց կարող էր կանխատեսել, որ դրանց գրպանները կարող են ձվեր լինել, որոնք պահի տակ կհանեն ու կշպրտեն։
– Նախապես տեղեկություն չե՞ք ունեցել՝ ինչպես են պատրաստվում, առավել եւս, որ սա աննախադեպ չէր, մեկ անգամ արդեն մարտի 7-ին նման մի խումբ դրսեւորվել էր Գյումրիում։
– Բացառվում է, որ նման տեղեկություն ստացած լինեինք ու միջոցներ չձեռնարկեինք:
Գայանե ՍԱՐԻԲԵԿՅԱՆ
Հարցազրույցն ամբողջությամբ կարող եք կարդալ «Հրապարակ» թերթի այսօրվա համարում
