«Հորս միտքը մշտապես զբաղված է մեր հայրենիքով, Հայաստանի ճակատագրով ու հեղափոխությամբ»,-Aravot.am-ի հարցին իրենց տեսակցությունների ժամանակ ինչի՞ մասին են զրուցում Շանթ Հարությունյանի հետ, ի՞նչ է նա մտածում, այսպես պատասխանեց Շանթ Հարությունյանի որդի Շահեն Հարությունյանը:
Հետաքրքրվեցինք` ի՞նչ է փոխանցում իրեն հայրը, Շահենը պատասխանեց. «Նա անընդհատ խորհուրդներ է տալիս ինձ, թե կյանքում ոնց պետք է ճիշտ, արժանապատիվ ապրել, ֆուտբոլի հետ կապված, միշտ ասում է, որ զգույշ լինեմ»:
Շահեն Հարությունյանը պատմեց, որ Շանթ Հարությունյանի հետ հանդիպում է երկու շաբաթը մեկ անգամ, երբ հարմար է լինում, հայրը զանգում է: Հարցին` Շանթ Հարությունյանի գործով վճռի բողոքարկումը ի՞նչ փուլում է, Շահեն Հարությունյանը պատասխանեց, թե դեռ երկուսուկես ամիս կա, որ վերաքննիչ բողոքը քննվի:
Հիշեցնենք, որ դատական նիստ է նշանակված 2015-ի հունիսի 16-ին: Հետաքրքրվեցինք` ազատամարտիկներն արձագանքեցի՞ն իր կոչին` քարով ու փայտով դուրս գալ փողոց, Շահեն Հարությունյանը պատասխանեց. «Չէ, կոչս անպատասխան մնաց, ևս մեկ անգամ հիասթափություն ապրեցի: Նորից համոզվեցի, որ այս կյանքում հույսը ամեն մարդ իր վրա պետք է դնի: Զղջում եմ, որ պատմեցի ինձ հալածելու միջադեպի մասին: Ուղղակի զղջում եմ նրա համար, որ հանրությանը ևս մեկ անգամ ներկայացրի, որ պայքարողին ծեծում են, ու ինքը ոչինչ չի կարողանում անել»:
Կարդացեք նաև
Շահեն Հարությունյանը նշեց, թե այն, որ իր վրա անհայտ անձինք հարձակում էին գործել, այդ գործով նույնիսկ քրեական գործ չի հարուցվել: Իրեն ոստիկանություն են կանչել միայն այսպես ասաց բռնության կոչեր հնչեցնելու համար:
Տաթև ՀԱՐՈՒԹՅՈՒՆՅԱՆ
