Ինչպես տեղեկացրել ենք, Գյումրու թատերական հրապարակում «Հիմնադիր խորհրդարանի» հանրահավաքը պարբերաբար խանգարում էին գողական աշխարհից ուղարկված մի քանի երիտասարդներ՝ մոտ 17-19 տարեկան: Վերջիններս սուլում էին, վեճի բռնվում կանգնածների հետ, բանը հասավ նրան, որ հանրահավաքին մասնակցող տարեց մարդկանցից մեկը, դիմելով հրապարակում իբրև թե անվտանգություն ապահովող ոստիկաններին, նախազգուշացրեց հեռացնել այդ «լկտի լակոտներին»:
Լակոտները հակադարձեցին, թե «լակոտը ոտից, գլուխ ես» ու փորձեցին հասնել այդ մարդու վրա: Հանրահավաքը վարող Վարդան Հակոբյանը բավական կոշտ գնահատական հնչեցրեց ոստիկանների հասցեին ՝ ասելով. « Ո՞ւր եք դուք, ոստիկաններ, ոստիկաններ դուք չկայիք հունվարի 14-ին (խոսքը Ավետիսյանների սպանության օրվան է վերաբերում), դուք չկայիք հունվարի 15-ին, մեկ էլ ծլեցիք ռուսական հյուպատոսարանի ճանապարհին ՝զինված: Ո՞ւմ դեմ…, կարգ հաստատեք, դուք դեկորացիա չեք այս հրապարկում, անցե՛ք ձեր գործառույթներին»: «Սերժի՛կ, ամոթ քեզ հա, քո ուղարկածներով ու քո ոստիկաններով»,- բացականչում էին մասնակիցները:
Նունե ԱՐԵՎՇԱՏՅԱՆ
ինձի կթվա բալասանյանի ծուղակն են ընկել հիմնադիր խորհրդարանի տղերքը, համ տվել է միտինգ անցկացնելու իրավունքը, համ էլ իրա փոխած բարոյահոգեբանական մթնոլորտում պահ մտել գողականների ետից, կեցցե բալասանյանի փոխած բարոյահոգեբանական մթնոլորտը