Գյումրու Թատերական հրապարակում «Հիմնադիր խորհրդարանի» հանրահավաքի ժամանակ այսօր հայտարարեց հանրահավաքը վարող Վարդան Հակոբյանը, որն ասաց, որ վիճակը տագնապալի է և օրհասական: «Ես տեսա, թե մենք, մենք ասելով այստեղ հավաքվածներով, գյումրեցիներով, ինչպես արձագանքեցին հունվարի 14-ին, 15-ին, երբ ոտնահարեցին մեր արժանապատվությունը, մեր անվտանգությունը: Եվ երբ մենք դիմում էինք մարզպետարան, դատախազություն, արդյունքում մենք համոզվեցինք, որ չունենք մենք պետություն: Եվ մենք գիտենք այդ մասին, բայց երբևէ այդքան մոտիկ, մեր մաշկի վրա չէինք զգացել. մի ամբողջ ընտանիք գնդակահարել և մնալ անպատիժ…Ոստիկանական ուժերը, որոնք բերվել էին Գյումրի, բերվել էին ոչ թե նրա համար, որ ոճրագործին իրենց հայրենիքում բերման ենթարկեին, այլ պատժեին և սանձահարեին այն մարդկանց, այն խմբին, որը որ իր արժանապատվության թելադրանքով դուրս էր եկել, հայտարարել՝ ես եմ այս երկրի տերը, և դուք իմ հետ հաշվի նստեք: Իմ երկրում իմ հետ պիտի հաշվի նստեք իմ օրենքների հետ: Մենք գիտենք՝ ինչով ավարտվեց …»:
Ըստ բանախոսի, պետություն կոչվածը փոխանակ իր ռեսուրսները օգտագործեր Սահմանադրական կարգի կիրառմանն ու պահպանմանը, կիրառեց սեփական ժողովրդին զսպելու, կոտրելու համար: Վարդան Հակոբյանն ասաց, որ մենք պետք է ունենք այլընտրանքային կառավարման մարմիններ, այլընտրանքային ընտրությունների միջոցով «Հիմնադիր խորհրդարանը» պիտի գա իշխանության, իսկ այդ ընթացքի ցավոտ կամ սահուն լինելը կախված են իշխանությունների ընտրությունից:
Նունե ԱՐԵՎՇԱՏՅԱՆ
