Հենց նոր Գյումրու բժշկական կենտրոնի տնօրեն Արմեն Իսահակյանը Aravot.am-ին տեղեկացրեց, որ վիրահատում են 61-ամյա «Հիմնադիր խորհրդարանի» անդամ Հրաչիկ Միրզոյանի փայծաղը, այն հեռացնում են:
Հիշեցնենք, որ նա «Հիմնադիր խորհրդարանի» անդամ է, քիչ առաջ նրան դանակահարեցին Գյումրու Թատերական հրապարակում, որտեղ գողական աշխարհի ներկայացուցիչներից մեկի կողմից ուղարկված մի քանի երիտասարդներ սադրանքներ էին հրահրում: Հրաչիկ Միրզոյանին դանակահարեցին Ժիրայր Սեֆիլյանի ելույթի ժամանակ:
Արմեն Իսահակյանի փոխանցմամբ, նրա արյուն կորուստը դադարեցված է, նա արյունահոսում էր վնասված փայծաղի պատճառով:
Շիրակի մարզի դատախազ Րաֆֆի Ասլանյանը տեղեկացրեց, որ հարուցվել է քրեական գործ ՀՀ Քրեական օրենսգրքի 112 հոդվածի հատկանիշներով, որը կոչվում է «Դիտավորությամբ առողջությանը ծանր վնաս պատճառել»:
Կարդացեք նաև
Դատախազը փոխանցեց նաեւ, որ ոստիկանությանը հանձնարարվել է ակտիվ միջոցառումներ ձեռնարկել հանցանքը կատարած անձին հայտնաբերելու ուղղությամբ:
Նունե ԱՐԵՎՇԱՏՅԱՆ
ՀՀ իշխանություններն ու ոստիկանները դուխ չունե՛ն՝ մի ամբողջ հայ ընտանիք մորթա՛ծ ռուս տականքին կալանավորելու համար: Իսկ իրենց ազատ խոսքի իրավունքը օգտագործող քաղաքացիների վրա ձվեր նետող ու դանակահարող տականքներին գոնե կգտնե՞ն: Թե՞ սա էլ բերձորյան խայտառակություն պիտի դառնա:
Եղեռնի 100-ամյակին ընդառաջ. այդ օրը երկարաշունչ ճառեր կասեն: