ՌԴ Դաշնային ժողովի պետական դումայի ԱՊՀ գործերով եվրասիական ինտեգրման եւ հայրենակիցների հետ կապերի կոմիտեի անդամ Վասիլի Լիխաչովի համոզմամբ, միջազգային հարաբերություններում իրավիճակը արտակարգ չէ:
Նա այսօր Աժ-ում հայ պատգամավորների հետ հանդիպման ժամանակ նկատեց, որ մի շարք երկրներում միջազգային իրավական նորմերի ու սկզբունքների ընդհարումների ու մարտական գործողությունների ֆոնին ձեւավորվում է մի գործոն, որը պետք է լինի հզոր ու ուժեղ. «Հեռանկարներ ունեցող միջպետական միություն, որի անունը Եվրասիական տնտեսական միություն է: Այն իրականում բարիք է»:
Նրա խոսքով, ԵՏՄ ինտեգրման միավորման ծրագիրը կոչված է տարածաշրջանում լուծելու բազմաթիվ խնդիրներ. «Օրինակ՝ հենց ամրապնդումը ազգային ինքիշխանությունների: Եթե նայեք ինտեգրման շարժման տրամաբանությունը, այն ընդհանուր համաձայնեցված է ազգային շահերի, ազգային կարիքների, ազգային տնտեսությունների զարգացման առումով»:
Վասիլի Լիխաչովը նաեւ ասաց՝ ԵՏՄ համաձայնագրի շրջանակներում պետք է մշակվեն գաղափարախոսական ներուժերը՝ ուղղված սոցիալական, պետաիրավական ոլորտների փոփոխություններին. «Խոսքը Եվրասիական տնտեսական միության իրավունքի ձեւավորման մասին , ոէրը գոյություն ունի նաեւ Եվրամիության շրջանակում»:
Կարդացեք նաև
Արփինե ՍԻՄՈՆՅԱՆ
