Այս լուսանկարը նկարել եմ 2014թ. հոկտեմբերին՝ Կիեւի կենտրոնում: Այն հումանիտար օգնություն էր ակնկալում Դոնբասի գումարտակի համար: Իսկ ընդհանրապես նման մեքենաների կարելի էր հանդիպել ամեն քայլափոխի, նրանք օգնություն էին հավաքում Ուկրաինայի արեւելյան շրջանների համար, որտեղ մարտական գործողություններ էին ընթանում, ու ինչի պատճառով, պաշտոնական տվյալներով՝ ավերվել էր 4,5 հազար բնակելի շենք, էներգետիկական ենթակառուցվածքի եւ ջրամատակարարման 4,7 հազար օբյեկտ:
Չնայած այս վիճակագրությանը, Ուկրաինայի մայրաքաղաք Կիեւն այդ օրերին ապրում էր իր խաղաղ կյանքով, սիրահար զույգերը ձեռք ձեռքի տված շրջում էին քաղաքում, բալիկներն իրենց ծնողների հետ խաղում էին հենց հրապարակում թափված խոտի դեզի վրա, երիտասարդությունը զվարճանում էր ակումբներում, մարդիկ որեւէ անհարմարություն չէին զգում ոչ ազգային տարազներով շրջող մարդկանց, ոչ էլ նման մեքենաների ներկայությունից:
ԳՈՀԱՐ ՀԱԿՈԲՅԱՆ
«Առավոտ» օրաթերթ
27.03.2015
