Թուրքական Hurriyetdailynews.com կայքը, հղում անելով երկրի ոստիկանությանը, նշել է, որ երեկ երեկոյան ժամը 19:30-ի սահմաններում Ստամբուլում գտնվող «Adimlar» ամսագրի խմբագրության դիմաց տեղադրված ռումբը պայթել է, ինչի հետեւանքով մեկ հոգի զոհվել է, երեքն էլ վիրավորվել են:
«Adimlar» ամսագիրը, որը սերտ կապեր ունի Թուրքիայի իսլամիստական խմբի իսլամական մեծ արեւելք ճակատի հետ, կազմակերպել է արշավներ խմբի առաջնորդ Սալիհ Միրզաբեիօղլուի ազատ արձակման պահանջով եւ աջակցում է Իրաքի եւ Լեւանտեի Իսլամական պետությանը:
Հարձակման պատասխանատվությունը ստանձնել է վերջերս ստեղծված Մարդու պաշտպանության միավորումը. ««Ադիմլար» ամսագիրը պատժվել է ջարդերը արդարացնելու համար: Մեր գործողությունները կշարունակվեն, եթե այդպիսի ելույթները կրկնվեն: Մարդասպաններին պաշտպանելը հանցագործություն է: Հեղափոխականների նկատմամբ իրականացված որեւէ գործողություն անպատիժ չի մնա»,- գրել է խմբավորումը Twitter-ի իր էջում:
Թուրքական մամուլի խորհուրդն էլ տարածած հաղորդագրությունում հայտարարել է, որ հարձակումը մարդկության դեմ կատարված հանցագործություն է. «Հնարավոր չէ ընդունել «Ադիմլար» ամսագրի վրա կատարված հարձակումը: Դա դեմ է ժողովրդավարական սկզբունքներին եւ հանցագործություն է կարծիք արտահայտելու համար ստեղծված լրատվամիջոցների աշխատակիցների դեմ»:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
