Հետեւում եմ հայկական լրատվամիջոցներին։ Մարտի 25-ն է։ Ոչ մի թերթ, կայք, բլոգեր կամ սոցցանցի օգտատեր չի անդրադարձել 95-ամյա վաղեմության ողբերգությանը՝ Շուշիի հայկական ջարդերին։
Մարտի 19-ին Բաքվի կենտրոնական հրապարակում Իլհամ Ալիեւը մասնակցել է Նավրուզի «համաժողովրդական տոնախմբությանը»։ Եվ առիթը բաց չի թողել՝ հերթական սպառնալիքներն է հնչեցրել ոչ միայն Հայաստանի ու հայ ժողովրդի, այլեւ այն «ուժերի» դեմ, որ Ադրբեջանին «սառը պատերազմ են հայտարարել»։
95 տարի առաջ, Նավրուզի կամ գարնանային գիշերահավասարի գիշերը, Շուշիի հայկական թաղամասերը ենթարկվել են կազմակերպված հարձակման։ Ավելի քան 30 հազար հայեր սպանվել են կամ դաժանորեն
բռնատեղահանվել։ Կոտորածից զերծ չեն մնացել նաեւ մերձակա հայկական գյուղերը։
Կարդացեք նաև
95 տարի անց հայկական եւ ոչ մի լրատվամիջոց Շուշիի կոտորածների մասին չի գրում։ Ժամանակի կովկասյան մամուլը, մինչդեռ, լայնորեն անդրադարձել է ողբերգական իրադարձություններին։ Թիֆլիսում, Հովհաննես Թումանյանի գլխավորությամբ, հայ մտավորականությունը բողոքի ցույց է կազմակերպել, հեռագրեր են հղվել Փարիզ, որտեղ զորեղները որոշում էին, թե ում ինչ է բաժին ընկնելու պարտված Օսմանյան կայսրությունից։
Վահրամ ԱԹԱՆԵՍՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
