Հազիվ նշմարելի կնճիռները՝ ճակատին, քթին եւ աչքերի շուրջ, երբեմն ի հայտ են գալիս նույնիսկ դեռատի աղջիկների մոտ: Դիմաշարժային կնճիռներն առաջանում են մկանների հաճախակի կծկումների պատճառով` մաշկը կոշտանում է, կնճիռները խորանում եւ արդյունքում փոխվում է նույնիսկ դեմքի ձեւը: Տարբեր զգացմունքների բուռն ու հաճախակի արտահայտումը` ծիծաղ, լաց, զարմանք, եւս նպաստում են կնճիռների առաջացմանը:
Պետք է մոռանալ վնասակար սովորույթները` ճակատն անընդհատ կնճռոտելը, հոնքերը կիտելը եւ դեմքն անընդհատ խոժոռելը, շրթունքները սեղմելը, աչքերը կկոցելը, կզակը պարանոցին սեղմելը եւ այլն:
Ծխող մարդկանց` հրաժարվել ծխելուց: Փաստ է, որ նիկոտինը մաշկի վրա վատ է ազդում, բայց ծուխը ներս քաշելով՝ բերանի շուրջ առաջանում են կնճիռներ: Մոռացեք նաեւ դժգոհել սեփական անձից եւ կյանքից: Կնճիռները ճառագայթաձեւ դրսեւորվում են շրթունքների եւ կկոցած աչքերի շուրջը: Ուշադիր լինելով ձեր դիմախաղի եւ վատ սովորույթների նկատմամբ՝ ավելի շուտ կձերբազատվեք կնճիռներից, քան տարատեսակ քսուքներ օգտագործելով: Ինչքան էլ դուք հարթեցնեք ձեր դեմքը, բայց «հավատարիմ» մնաք հին սովորույթներին, ապա կնճիռները միշտ կուղեկցեն ձեզ:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
24.03.2015
