«Սովետական Միության ազգերը դասակարգվում էին մի շարք մոտեցումներով, այդ թվում՝ բնիկ լինելու հանգամանքով»,- մարտի 24-ին «Շփման գիծ» հանրային քննարկման ընթացքում ասաց ազգագրագետ Լուսինե Խառատյանը: Քննարկման թեման էր «Էթնոնացիոնալիզմ եւ կոնֆլիկտ»:
Ըստ նրա՝ Սովետական Միության տերմինաբանությունը առ այսօր շարունակում է որոշ մարդկանց բառապաշարի մի մասն է կազմում. «Երկու տարի առաջ, ես բոլորովին այլ ծրագրով գտնվում է Ղրղզստանում, սովորական դիրսկուրսում ամենաքննարկվող տերմինը դա էր, թե ով է բնիկը, ով է եկվորը, բնիկն ինչ իրավունքներ ունի: Այսինքն՝ առ այսօր շատ մարդկանց կյանքում այդ ամբողջ տերմինաբանությունը շարունակում է կարեւոր եւ ակտիվ դեր խաղալ նաեւ ղարաբաղյան կոնֆլիկտի կոնտեքստում»:
Հասարակական գործիչ Լարա Ահարոնյանը ասաց, որ կարծում է՝ էթնոնացիոնալիզմը հայր իշխանության արդյունքն է. «Այստեղ սպիտակ տղամարդիկ են, որոնք իշխանության հայրերն են, նրանք պատերազմում են, որովհետեւ ուզում են իշխանությունը պահել: Էթնոնացիոնալիզմը կարեւոր եւ աշխատող գործիք է, որ իրենք կարողանան դա անել: Դա նույն ձեւով է արվում թե՛ արտաքին, թե՛ ներքին կոնֆլիկտների մեջ, այսինքն՝ ընտանեկան, սոցիալական կյանքի մեջ նույն ձեւակերպումներն են»:
Կարդացեք նաև
Պատմաբան Հրանտ Տեր-Աբրահամյանը նշեց, որ ղարաբաղյան կոնֆլիկտը քաղաքական է եւ լուծվելու է քաղաքական քայլերով եւ փոփոխություններով, որովհետեւ ցանկացած կոնֆլիկտ այդպես է լուծվում. «Որ ասում են՝ որոշակի գաղափարախոսությամբ են դաստիարակվում, նրանք էլ են մարդ, չէ՛: Եթե մենք մարքսիստական դասական մոտեցմամբ մոտենանք, դա ընդամենը վերնախավն է»:
Մանրամասները՝ տեսանյութում
Ամի ՉԻՉԱԿՅԱՆ
