Ֆեյսբուքում մի քանի հարյուր քաղաքացի կողմ էր արտահայտվել «Ժառանգության» ներկայացուցիչ Դավիթ Սանասարյանի առաջարկին, ըստ որի, ՀՀ քաղաքացիները 500 դրամ հանգանակեն ու հասույթը հատկացնեն գիտնականներին՝ դիվերսիայի դեմ արդյունավետ պաշտպանության միջոցներ մշակելու նպատակով։ Արդյոք հանրության 500-ական դրամ հանգանակությունի՞ց է կախված իրավիճակի փրկությունը։ Ինչպե՞ս են վերաբերվում քաղաքացիների նման նախաձեռնությանը։
ՊՆ մամլո խոսնակ Արծրուն Հովհաննիսյանը մեզ հետ զրույցում ասաց. «Քննարկումներ միշտ էլ լինում են, ընթացիկ գործընթաց է, որը նաեւ ֆինանսական բաղադրիչների հետ է կապված ու շատ ծախսատար, բայց գաղտնիք են այդ քննարկումները, դրա մասին չենք հրապարակում։ Այսինքն, հնարավոր են որոշ տեխնիկական միջոցներ, բայց ծայրահեղությունների, շահարկումների մեջ ընկնել պետք չէ։ Բացարձակ անվտանգ սարքերով հագեցնել սահմանը, որ մարդկանց ընդհանրապես խնդիր չլինի, չի կարող նման բան լինել։ Կան հակամարտություններ, որ մարդիկ էդ ճանապարհով անցել են ու հաջողության չեն հասել։ Պետք չի ծայրահեղությունների մեջ ընկնել՝ ասել, որ տեխնիկական միջոցներ չդնել կամ ամբողջությամբ հագեցնելով՝ հարցը կլուծվի։ Տեխնիկայով զինելով, հնարավոր կլինի փակել ամբողջ անցքերը, դա էլ ճիշտ չի, ծայրահեղացման ճանապարհ է»:
Գւսյանե ՍԱՐԻԲԵԿՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
