Ստամբուլի հայկական եկեղեցիները կիրակի օրը պատարագ են մատուցել՝ աղոթելով 100 տարի առաջ Գալիպոլիի ճակատամարտում զոհված բոլոր զինվորների հիշատակին՝ անկախ նրանց դավանանքից, էթնիկ կամ կրոնական պատկանելությունից, հաղորդում է թուրքական «Դեյլի Սաբահ» թերթը՝ արարողությունը գնահատելով պատմական։
«Թուրքիայի հայ համայնքը միացել է կրոնական պատմական արարողությանը՝ ի հիշատակ Գալիպոլիի ճակատամարտում զոհված քրիստոնյա, մահմեդական և հրեա զինվորների», – գրում է թերթը։
Ստամբուլի հայկական ութ եկեղեցիներում պատարագ է մատուցվել։ Պոլսո հայոց պատրիարքի փոխանորդ Արամ արքեպիսկոպոս Աթեշյանը պատարագը մատուցել է Յեշիլ քյոյի Սուրբ Ստեփանոս հայկական եկեղեցում։
«Արքեպիսկոպոսը աղոթել է Գալիպոլիի ճակատամարտում բոլոր զոհվածների հոգու հանգստության համար՝ լինի մահմեդական, ոչ մահմեդական կամ աթեիստ», – գրում է «Դեյլի Սաբահ»-ը։
Կարդացեք նաև
«Անկախ նրանց էթնիկ կամ կրոնական պատկանելությունից, այդ մարդիկ կռվել են իրենց երկրի գոյության համար, ուր նրանք ապրում էին։ Աստված նրանց երկնային արքայություն տա, և մենք աղոթում ենք, որ նման տառապանքներն այլևս չկրկնվեն», – իր խոսքում ասել է Արամ Աթեշյանը։
Մանրամասներին կարող եք ծանոթանալ` «Ազատություն» ռ/կ-ի կայքում
