Վրացի քաղաքագետ, պրոֆեսոր, Վրաստանի Հասարակայնության հետ Կապերի Ինստիտուտի միջազգային հարաբերությունների գծով մագիստրատուրայի ղեկավար Թոռնիկե Շարաշենիձեն կարծում է, թե Ուկրաինայի համար ավելի լավ կլիներ, որ «սառեցվեր» Դոնբասի հակամարտությունը: Այս մասին նա ասել է «Главком»-ի հետ զրույցում:
Նա իր դիրքորոշումը մեկնաբանել է այսպես. «Մենք փորձ ունենք. մենք այդ հակամարտությունները (Աբխազիայի եւ Հարավային Օսեթիայի- Ա.Ի.) սառեցրել ենք եւ զբաղվել ենք մեր ներքին գործերով, բարեփոխումներով: Մեզ դա հաջողվել է: Նույնիսկ 2008 թվականի պատերազմը, որից ամենայն հավանականությամբ չէր կարելի խուսափել, չխանգարեց մեզ բարեփոխումներ անել»,- ասել է նա:
Քաղաքագետի կարծիքով՝ այժմ Պուտինի գլխավոր նպատակն է Ուկրաինան ներքաշել երկար, արյունոտ հակամարտության մեջ եւ թույլ չտալ, որ այդ երկիրը զարգանա: «Դրա նմանությամբ, իմ կարծիքով, ոչ թե վրացականն է այդ ադրբեջանականը: Ավագ Ալիեւը ուներ ընտրություն. շարունակել պատերազմը, որը նա չէր կարող հաղթել, քանի որ Ռուսաստանը արդեն աջակցում էր Հայաստանին (նա պետք է իր բոլոր միջոցները թողներ եւ սպառեր Ադրբեջանը): Սակայն նա ընտրեց այլ ուղի. սառեցրեց Լեռնային Ղարաբաղի հակամարտությունը, իրականացրեց Բաքու-Թբիլիսի-Ջեյհան նավթամուղի նախագիծը, որն էլ Ադրբեջանին միլիարդներ բերեց: Այժմ Ադրբեջանը շատ գումար ունի, ավելի շատ, քան Հայաստանը եւ ժամանակը աշխատում է Բաքվի օգտին»:
Նա ընդգծել է, որ Ուկրաինան հսկայական տնտեսական ներուժ ունի, սակայն այժմ մեծ ծրագրերից պետք չէ սկսել. «Պետք է ամեն ինչ ուղղել դեպի կոռուպցիայի վերացումը, դրանից հետո նրանց կունեն գումար բանակի համար եւ ամեն ինչ լավ կլինի»,- կարծում է քաղաքագետը:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
Մեզ միայն այսպիսի ,,ուսանելի,,մեկնաբանությունն էր պակասում….