Օրերս Հայաստանի տարբեր քանդակագործներ Երևանում կազմակերպված մամլո ասուլիսի ժամանակ հանդես եկան հայտարարությամբ, որը կրում էր նման իմաստ «Հայաստանի Հանրապետության պետական զինանշանը պետք է փոփոխություններ կրի, քանի որ բազմաթիվ նշաններ ցույց են տալիս մեր երկրի թուլությունը, տկարությունը և անհրաժեշտ է զինանշանի վրա այնպիսի փոփոխություններ կատարել, որոնք կօգնեն մեզ ավելի ներկայանալի հանդես գալ և մեծ բարձրունքների հասնել: Բացի այդ քանդակագործները նշեցին, որ օրինակ առյուծի բերանի փակ լինելը գերբաբանության մեջ անգամ սխալ է»:
Իսկ ինչ է իրենից ենթադրում պետական զինանշանի վրա փոփոխություններ կատարելը: Բացի այն, որ գերբի փոփոխությամբ կունենանք ավելի ներկայանալի, մեր ազգային, մշակութային արժեքները ավելի ճիշտ ներկայացնող զինանշան, փոփոխությունները կստեղծեն նաև մի շարք խնդիրներ` առաջինը հենց երկրի հասարակ քաղաքացիների համար: Խնդիրները կլինեն ֆինանսական : Զինանշանի փոփոխությունից հետո քաղաքացիներից կսկսեն պահանջել, որ կարճ ժամկետներում փոխեն իրենց անձնագրերը, քանի որ անձնագրերի վրա նույնպես պետական զինանշանն է խփված և անձնագրերի վրա չլինելով նոր զինանշանը, հինը արդեն կհամարվի ուժ չունեցող: Կսկսվի կնիքների և այլ տարբեր փաստաթղթերի փոփոխությունները, որոնք նույնպես իրենցից ենթադրում են քաղաքացիների համար ֆինանսական ծախսեր:
Հենրիկ Մխիթարյան
