Ինչպես կարող եմ ես քեզ մոռանալ,
Երբ թափանցել ես դու իմ արյան մեջ,
Իմ երակները քեզանով լցրել,
Դարձել մի ամբողջ իմ էության հետ:
Կարդացեք նաև
Ինչպես կարող եմ ես քեզ մոռանալ,
Երբ իմ մտքերին դու ես տիրակալ,
Մոռացության մեջ լոկ քեզ եմ հիշում,
Դաժան ցավերս դու ես ամոքում:
Ինչպես կարող եմ ես քեզ մոռանալ,
Երբ իմ վշտերը դու ես դարմանել,
Քեզ մոռանալով՝ ես կորբանամ,
Կյանքը կդառնա մահվանից դաժան:
Ինչպես կարող եմ ես քեզ մոռանալ,
Երբ անհնար է մեզ տարանջատել,
Եթե քո շունչը նաև իմ շունչն է,
Մեր բաժանումը՝ պարզապես մահ է:
Ինչպես կարող եմ ես քեզ մոռանալ,
Եթե ես մարդ եմ լոկ քո գոյությամբ,
Եթե դու չկաս, ես կիսատ մարդ եմ,
Քեզ մոռանալով՝ լոկ էժան զարդ եմ:
Ու կամայանա հիշողությունը,
Եթե փորձեմ քեզ՝ ինձնից դատարկել,
Ու վտարել քեզ, փորձել մոռանալ,
Ինձ այցի կգա ունայնությունը:
Ինչպես կարող եմ ես քեզ մոռանալ,
Երբ միտքս ու հոգիս քեզնով է լցված,
Որքան փորձում եմ քեզնից հեռանալ,
Այնքան կողքիդ եմ՝ քեզնով համեմված:
Ինչպես կարող եմ ես քեզ մոռանալ,
Երբ ողջ հուշերս քեզ հետ են կապված,
Իմ երազները քեզնով ես լցրել,
Գիշեր ու ցերեկ, արթուն, թե քնած:
Ինչպես կարող եմ ես քեզ մոռանալ,
Երբ այգաբացին դու ես շունչ տալիս,
Եթե գեթ վայրկյան փորձեմ քեզ լքել,
Ես կչորանամ, կդառնամ արձան:
Ինչպես կարող եմ ես քեզ մոռանալ,
Երբ ինձ՝ հոգիդ է հսկում մինչև լույս,
Եթե խռովեմ, փորձեմ ուրանալ,
Քեզ միշտ կհիշեմ՝ թեկուզ առանց հույս…
Անանիա Մաղաքյան
