ԱԻՆ-ի պաշտոնական կայքը տեղեկացնում է ՝ մարտի 21-ին, ժամը 13.36-ին ահազանգ է ստացվել, որ Երևանի Բաշինջաղյան փողոցի 2-րդ նրբանցքի թիվ 1 շենքի վերելակն ընկել է. անհրաժեշտ է փրկարարների օգնությունը:
Դեպքի վայր են մեկնել մեկ մարտական հաշվարկ, ՃԿԿ օպերատիվ խումբը:
Դեռևս չպարզաբանված հանգամանքներում վերելակը պոկվել և վայր է ընկել:
Հրշեջ-փրկարարների և վերելակային ծառայության աշխատակիցների համատեղ ուժերով վերելակի դուռը բացվել է. խցիկում հայտնաբերվել է 1979 թ. ծնված Ա. Շ.-ի դին:
Հրշեջ-փրկարարները դին դուրս են բերել վերելակի հորից:
