Ըստ Թեւան Պողոսյանի՝ այդպես Հայաստանը ավելի հանգիստ կարող է դուրս գալ ԵՏՄ-ից
«Ժառանգություն» խմբակցության անդամ Թեւան Պողոսյանը մարտի 21-ին «Հայելի» մամուլի ակումբում անդրադարձավ մարտի 20-ին Աստանայում Ռուսաստանի, Ղազախստանի եւ Բելառուսիայի նախագահների տեղի ունեցած հանդիպմանը, որին Հայաստանը չէր մասնակցել:
«Ես այն մարդն եմ, որը դեմ է քվեարկել ԵՏՄ-ին եւ բացատրել է, որ չի հավատում այդ ծրագրի վերջնական հաջողությանը, եւ հայտարարել է, որ ուշ թե շուտ Հայաստանը նորից վերադառնալու է եվրոպական ինտեգրման ուղուն: Ինչքան էլ, որ Հայաստանին չհրավիրեն ԵՏՄ տարբեր միջոցառումներին, ես դա ընդունելու եմ ներքին ուրախությամբ»,- ասաց նա:
Ըստ նրա՝ այդպես Հայաստանը ավելի հանգիստ կարող է դուրս գալ Եվրասիական տնտեսական միությունից եւ հանգիստ իր ճանապարհը շարունակի. «Չեմ հավատում, որ ԵՏՄ-ն կկայանա, ինչպես ցանկացած ինտեգրացիոն գործընթաց հետսովետական տարածքի վրա: Չեն հրավիրել, ես ավելի ուրախ եմ, թո՛ղ քիչ հրավիրեն, Հայաստանն էլ քիչ-քիչ այդ ծրագրից դուրս կգա եւ իր ուղղով գնա առաջ»:
Կարդացեք նաև
Ամի ՉԻՉԱԿՅԱՆ
