Արդեն մեկնարկել է ԲՀԿ խմբակցության նիստը, որի ժամանակ կհստակեցվեն ԲՀԿ խմբակցության ղեկավարի ու քարտուղարի անունները: Ինչպես տեղեկացրել ենք, նիստին չի մասնակցում Տիգրան Ուրիխանյանը:
«Չեմ ուզում, որպեսզի մակերեսային վերլուծություններ լինեն ու դրանց տակ ոմանք փորձեն շատ անտեղի ենթադրություններ անեն, առավել եվս, դրանք որպես հիմնավորումներ ներկայացնեն հանրությանը, որովհետեւ իրականում, սա պայմանավորված է պարզապես նպատակահարմարությամբ: Եվ ոչ մի ուրիշ բան»,- Aravot.am-ի հետ զրույցում խմբակցության նիստին իր չմասնակցությունն այսպես բացատրեց Տիգրան Ուրիխանյանը:
Հստակեցնող հարցին`այնուհանդերձ ինչ-որ պատճառ պե՞տք է լինի, որի համար նպատակահարմար չեք գտել խմբակցության նիստին մասնակցել, մեր զրուցակիցը շրջանցեց. «Ես ուզում եմ, որպեսզի իմ գործընկերների գործունեությանը միշտ զուգակցի հաջողությունը, որպեսզի իրենց նպատակներն իրականանան, որպեսզի ՀՀ-ում ժողովորդի առջեւ ծառացած խնդիրների լուծման ճանապարհին իրենք ունենան հնարավորություն եւ կարողանան իրագործել իրենց առջեւ նախանշված նպատակները»:
Նելլի ԳՐԻԳՈՐՅԱՆ
Կարդացեք նաև
Թե ե՞րբ է Տիգրան Ուրիխանյանը պատրաստվում հստակեցնել ԲՀԿ-ում իր հետագա կարգավիճակը`կարդացեք վաղվա տպագիր «Առավոտում»:
