Ազգային ժողովում երեկ մեկնարկեց Եվրանեսթ խորհրդարանական վեհաժողովի 4-րդ լիագումար նստաշրջանը, որին ներկա էր նաեւ Սերժ Սարգսյանը։
Ինչ վերաբերում է Ռիգայում սպասվող ԵՄ ԱլԳ գագաթնաժողովին, երեկ մի քանի հարց ուղղեցինք Հայաստանում ԵՄ պատվիրակության ղեկավար, դեսպան Տրայան Հրիստեային։
– Պարոն Հրիստեա, որպեսզի Հայաստանը ԵՄ հետ վերսկսի բանակցությունները, անհրաժեշտ է ԵՄ անդամ 28 երկրի համաձայնությունը, ինչը, սակայն, դեռ չկա։ Կա՞ որեւէ երկիր, որը կարող է իր համաձայնությունը չտալ բանակցությունների վերսկսման համար։
– Դա յուրաքանչյուր երկրի սուվերեն որոշումն է։ Մենք առաջարկել ենք, պետք է սպասենք պատասխանին։ Հուսով ենք, որ նրանք ժամանակին կպատասխանեն։ Մենք մեր հայ գործընկերների հետ ունեցած բանակցությունների հիման վրա առաջարկ ենք ներկայացրել, բայց դրան հավանություն կտան, թե ոչ՝ իրենց որոշելիքն է։
Կարդացեք նաև
– Ե՞րբ պարզ կլինի պատասխանը, Ռիգայի գագաթնաժողովի ժամանա՞կ, թե՞ մինչ այդ։
– Հույս ունենք, որ դա կլինի մինչեւ Ռիգան։ Բայց յուրաքանչյուր խորհրդարան ունի իր օրակարգը, եւ մենք չենք կարող հրամայել կամ չհրամայել։
– Ռիգայում նախատեսվում է բանակցություններ սկսել Հայաստանի հետ, ՀՀ ԵՏՄ անդամակցությունը չի՞ խանգարում։
– Մենք այստեղ չենք տեսնում որեւէ խնդիր։ Հայաստանը սուվերեն երկիր է, նա ունի իր ընտրությունը եւ ստորագրել է ԵՏՄ համաձայնագիրը:
Լուսինե ԲԱՐՍԵՂՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
