ՀՀՇ վարչության նախագահ Արարատ Զուրաբյանը ՀՀ նախագահ Սերժ Սարգսյանի հետ հանդիպման ժամանակ հետաքրքրվել է՝ հնարավո՞ր է իր հայտարարությունը, թե նախագահ վերընտրվելու մտադրություն չունի, նշանակում է ԱԺ նախագահ դառնալու մտադրություն ունի՝ սահմանադրական բարեփոխումների ֆոնին:
Այսօր «Հայելի» ակումբում Արարատ Զուրաբյանն ասաց, որ նախագահն իրեն վստահեցրել է, որ ինքը չի պատրաստվում ո՛չ նախագահ, ո՛չ վարչապետ ընտրվել: Սերժ Սարգսյանը Զուրաբյանին ասել է նաեւ, որ կշարունակի պաշտոնավարել մինչեւ իր լիազորությունների ավարտը՝2018 թվական. «2017-ին է լինելու Աժ ընտրությունները: Չի կարող ՀՀ նախագահը Աժ ընտրություններին դառնալ պատգամավոր, իսկ եթե չի լինում պատգամավոր, չի կարող դառնալ Աժ նախագահ: Որ դառնա պատգամավոր՝ պետք է հրաժարական տա նախագահի պաշտոնից»:
Արարատ Զուրաբյանը նախագահի հետ հանդիպումից տպավորություն ունի, որ նախագահը դեռ հստակ դիրքորոշում չունի կառավարման ո՞ր մոդելին է ավելի հարմար անցում կատարել:
«Անցումը խորհրդարանականին մի քայլ առաջ կլինի ու ժողովրդավարացման կայացման համար լուրջ քայլ կարող է դառնալ: Ստեղծված է հանձնաժողով, որն աշխատելու է, կազմելու է փաստաթուղթը, շեշտել ենք առաջնահերթությունները, գտնում ենք՝ երկու փոխկապակցված գործընթաց կա՝ Սահմանադրություն եւ ընտրական օրենսգիրք: Սահմանադրական բարեփոխումները՝ առանց հարյուր տոկոս համամասնական ընտրակարգի, որեւէ փոփոխություն չի բերի: Գտնում ենք, որ ընդդիմությունը պետք է սահմանամադրությամբ սահմանված լիազորություններ ունենա, վերահսկողություն իրականացնելու գործառույթներ ունենա օրենքով ու Սահմանադրությամբ ամրագրված»:
Կարդացեք նաև
Հարցին, թե հնարավո՞ր է իշխանությունն արդեն ունի որոշում՝ կառավարման մոդելի վերաբերյալ ու իմիտացիա ստեղծելու համար է քաղաքական ուժերին հանդիպման հրավիրում, Արարատ Զուրաբյանն ասաց. «Հայաստանի իշխանությունները իմիտացիոն բնույթի հազարավոր բաներ են արել ու շարունակելու են անել, նրանք չեն փոխվել, եթե նախաձեռնել են սահմանադրական փոփոխություններ՝ չի նշանակում, որ ընտրել են Հայաստանի ժողովրդավարացման մոդելը կամ փոխվել են»:
Արփինե ՍԻՄՈՆՅԱՆ
«Խոստանալը» քաղաքական կատեգորիա չէ:
Արարատ Զուրաբյանը արդեն վաղուց քաղաքական կատեգորիս չի:
Իրեն շատ արագ վերածեցին տնտեսական կատեգորիսյի: