Ռուսաստանի նախագահ Վլադիմիր Պուտինը մեկնաբանել է իր առողջական խնդիրների հետ կապված հրապարակումները: Ըստ «Коммерсант»-ի՝ նա ասել է, որ «առանց բամբասանքների տխուր կլինի»:
Ղրղըզստանի նախագահ Ալմազբեկ Աթամբաեւն էլ ասել է. «Հենց նոր ինձ հետ Վլադիմիր Վլադիմիրովիչը ղեկին նստած տարածքով մեքենա էր վարում: Սա ասում եմ նրա համար, որ բամբասանքներ չլինեն»: Աթաբաեւը նաեւ հավելել է, որ ինքն իր մասին հաճախ բամբասանքներ է լսում եւ դրանք սխալ է համարում:
Այսօր Վլադիմիր Պուտինը 10 օրվա բացակայությունից հետո առաջին անգամ հայտնվել է հանրության առջեւ: Նա Սանկտ Պետերբուրգի Կոնստանտինովյան պալատում հանդիպել է Ղրղըզստանի նախագահ Ալմազբեկ Աթամբաեւի հետ:
Ավելի վաղ մի շարք ԶԼՄ-ներ տեղեկություններ էին հրապարակել, որ Վլադիմիր Պուտինը կարող է հիվանդ լինել, քանի որ մարտի 12-13-ը Ռուսաստանի, Ղազախստանի եւ Բելառուսի նախագահների հանդիպումը հետաձգվել էր, իսկ ինքը վերջին մի քանի օրերին չէր երեւում հանրության առջեւ: ՌԴ նախագահի մամուլի քարտուղար Դմիտրի Պեսկովը, իր հերթին, հերքել էր այդ տեղեկությունները:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
