«Մեր երկիրը ժամանակի ընթացքում, որդեգրելով մարդու իրավունքների հիմնարար սկզբունքների համակարգը, այսօր մի նոր շրջափուլի առջև է կանգնած»,- Եվրանեսթի խորհրդարանական վեհաժողովի քաղաքական նիստի մեկնարկին հայտարարեցԱԺ պատգամավոր, ՀՅԴ խմբակցության անդամ Արծվիկ Մինասյանը:
Նա անդրադարձավ Հայաստանում մեկնարկած սահմանադրական բարեփոխումների գործընթացին: ՀՅԴ-ական պատգամավորը կարծիք հայտնեց, որ դրանք իրապես կարեւոր են Հայաստանի համար: Ըստ ՀՅԴ-ական պատգամավորի, սահմանադրական բարեփոխումները վկայում են, որ Հայաստանը գնում է եվրոպական քաղաքական արժեքները որդեգրելու ճանապարհով. «Բարեփոխումների արդյունքումառաջ քաշվող փոփոխությունները թե կառավարման համակարգի փոփոխման, թե այլ ոլորտներում վկայում են, որ Հայաստանի կողմից որդեգրվում են եվրոպական արժեքները: Ես հույս ունեմ, որ մեր հաջորդ հանդիպման ժամանակ Հայաստանը կլինի ավելի հզոր ու ժողովրդավար»:
Նելլի ԳՐԻԳՈՐՅԱՆ
